واحد .. اتنين..الجيش العربى فين.

قلب حنون · 13-11-2006, 14:07

هو شعر عامى للشاعر احمد بهجت
بصراحة عجبنى طريقته الساخرة فى وصف حال الجيش العربى اللى لا يسر عدو ولا حبيب

وقلت اجيبه هنا تشوفوه

واحد .. اتنين..الجيش العربى فين.

الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين

واحد اتنين الجيش العربي فين
الجيش العربي في سوريا
حالق عالموضة كابوريا
وعلى طريقة فكتوريا
خلّى الترماي بدورين

واحد اتنين الجيش العربي فين
الجيش العربي الليبي
زيّ الفن التكعيبي
كله بتنجان يا حبيبي
الظاهر واخد عين

واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين

واحد اتنين الجيش العربي فين
الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين

واحد اتنين الجيش العربي فين
الجيش العربي سوداني
سامع رنّته بوداني
هو انا هاهجم فرداني
يالا ارجع يا ابو حسين

واحد اتنين الجيش العربي فين
الجيش العربي اتهان
يوم ما انضربوا الأفغان
وسكت في البوسنة زمان
واحد اتنين الجيش العربي فين

مضنى الوداد · 26-11-2006, 10:50

ما بين سوداويه

لنظرة

فى ظل كل ذلك الهوان يبقى البكاء

على حالنا يرسم

جرح لا يندمل

نعم اين نحن بكل اطيافنا ....؟

مما يجرى حولنا فى ظل القتل والنهب والسلب والظلم لتاريخنا لشعوبنا .....

لاهوان نحن ...؟

قلب حنون

كان حرفك هنا رؤية لحاضر وامل فى مستقبل ليتهم يعون ...........

دام حرفك وهجا

مضنى الوداد