اللدغة الثالثة للشيطان .. تقسيم السودان - الصفحة 2

وليد حسين · 31-10-2004, 17:58

اخى بكرى واخى الحاج متولى اخذ الحوار مسار اخر فاعزرونى .اننا فى السوادن متخلفين اجتماعيا وسياسيا وهذا ما ادى بنا الى هذه النهاية فلماذا لا يحكمنا ابناء الجنوب ولماذا لا يحكمنا ابناء الشرق ولماذا لا يحكمنا ابناء الغرب ولماذا لا يحكمنا ابناء الشمال ,الفروقات الطبقيه فى السوادن ادت الى نوع من الضغينه بين ابناء البلد الواحد اخى الحاج متولى لم يقم التمرد الا بدعم من الخارج (بداه الانجليز وكمله الامريكان ) وانا اجالس كبار قادة الحركة الشعبيه لتحرير السودان (لاحظ الاسم) واخى بكرى سيطرة مجموعه من المثقفين الشماليين على الوضع السياسى للبلاد ادى بنا الى مشاكل عرقيه واثنيه و نظام الحزب الواحد لن ينجح فى السودان والاخزاب التى فى الساحه السياسيه ليست هى ما ننشده مادام القاده الفعليين لهذه الاحزاب هم المثقفوا القرن العشرين(الصادق المهدى ,الترابى ,محمد عثمان الميرغنى ,نقد),لايعقل ان يتسلم هولا السلطه مرت اخرى فلماذا لانرى دما جديدا كمن اى بقعه من السودان ولماذا لاتنصهر هذه الافكار المتخلفه (هذه شمالىوهذه جنوبى ) لكى نبنى بلادنا فلابد لنا كسودانين ان ننسا اختلافاتنا ولوننا ومعتقداتنا الرجعيه والنظر الى ان امريكا التى هى سيد العالم الان قد كانت بها نفس المعضله بل اسواء فكيف كان الحل( المواطنه, حرية العقيده ,حرية الفكر,المحاسبه) هذه ابسط الامور التى تنقصنا .

وارجو العتبه منكما اخوى بكرى والحاج متولى
اخوكم وليد حسين

وليد حسين · 31-10-2004, 17:58

ارجو الرد بموضوعيه شديده لكى لا ندخل فى الجدل

وليد حسين

Sit_Elkisra · 01-11-2004, 01:32

السلام عليكم,,,

مافى حاجة والله يا وليد عادى والله.

الحاج متولى,,,
مشكلتنا فى السودان فقط!!!!؟؟ السودان ده امكن تكون دى اقدم مشكلة فيهو (المشاكل العرقية) لكنالسودان و السودانيين هم زاتهم مشكلة و عبء على روحهم.... شاغلين نفسهم بالكلام و النظير من غير فايده... و الغلاط من جهة للجهة... و ده اختصار لمشكلة التفرعات الشديدة فى الاحزاب و كل يوم والتاى حزب و كل يوم والتانى مشكلة!!!!
مشكلتنا فى السودان برضو انعدام الوطنية,,, يا اخى انت طلعت من الموضوع,, و انحن كسودانيين لو حبينا بلدنا ما حنحس بى ده شمالى و الا غيرو... بعدين النصيحة لى الله فى شماليين امخاخهم صغيرة بتفاصلو فى امور لا تسمن و لا تغنى من جوع... ده حالنا عموما.......

بكرى فاروق,,,
بارك الله فيك,,, بس برضو انحن دى ما مشكلتنا و انحن دى بترجع لى الجنس السودانى!!!!
.........

al3ate · 02-11-2004, 01:39

شوفو
السودان ده كبلد واحد كده ما حينفع
لا نحن بنقبل بالجنوبيين و الغرابة
ولا هم بقبلو بينا
و المشاكل الجايبنها لينا اكتر من الفوائد الامكن تجينا
خليهم يقسمو
و انشاء الله يستبو بعد داك
و لو عملو استبيان ولا استفتاء للتقسيم انا حاشارك بـ 10 اصوات
ما دايرين معاهم
عشان الثروات دي؟
هي كده كده شايلاها امريكا
اخير ما تشيلا مننا عشان ما تحرقنا

الحاج متولى · 02-11-2004, 13:13

اخى al3ate

شوفو
السودان ده كبلد واحد كده ما حينفع
لا نحن بنقبل بالجنوبيين و الغرابة
ولا هم بقبلو بينا
و المشاكل الجايبنها لينا اكتر من الفوائد الامكن تجينا
خليهم يقسمو

معذرة اخوتى
كنت فى اول مشاركة قلت انى لن اشارك مرة اخرى فى هذا النقاش
ولكن حديث الاخ al3ate الذى يملك السودان وقد وقد استخرج له وزارة الاسكان
شهادة بحث تشهد ان هذا السودان ملكه

لو عملو استبيان ولا استفتاء للتقسيم انا حاشارك بـ 10 اصوات
ما دايرين معاهم
عشان الثروات دي؟

يا زول شارك انشالله بالف صوت

والسودان دة انحنا قاعدين فيها
والراجل كلامو بتسمع فى نهاية
وانحنا لو ما قادرين نقلع حقنا كان من زمان المفاوضات ى بطلوها
والغرابة يا اخوى براهم رجال بقدرو يشيلو حقهم

والخالقنا غير الله خلى يجى يقلعنا
واى زول تانى انا جاهز ارد ليه حسب اسلوبه

يلا البعد دة منو

al3ate · 02-11-2004, 13:17

بسم الله
ما هو لا انت لا انا لا رئيسك لا نائبة لا رئيس الجنجويد ده اسمو منو ما عارف ولا حتي جون قرنق عندو الحق في السودان
نحن قاعدين فيهو زي بيت الايجار
و بدل ما تثور و تكورك فيني حاول اعمل شي
حقو ترضي لانو ده واقع مع انو مرير
لكن السودان في النهايه حيتقسم و الكلام ده ما بعيد
و تعال بعدين كورك زيك و زي امتنا العربيه الما بتعرف غير الكواريك

al3ate · 02-11-2004, 13:24

بسم الله
مع احترامي ليك يا الحاج متولي
لكن حاول تتحكم في اعصابك كويس
و اذا كنت انت غرباوي او زعلتك لفظ غرباوي دي فهي ما مشكلتي
لانو نحن والحمد لله بقولو علينا شماليين و ما قاعدين نشتغل بالموضوع لانو ده مجرد جهة او اتجاة
الشي التاني
و اخدا كلمة مني
لا انت ولا رئيسك ولا نائبة ولا جون قرنق ولابتاع الجنجويد الطالع في الكفر جديد ده حيسوو حاجه
السودان ليس للسودانيين
نحن قاعدين فيهو زي بيت الايجار
و بدل ما تثور و تكورك فيني
وفر حسك و حلقك ده لي مجلس الامن لانو حتحتاج ليهو بعدين
و السودان من ناحية حيتقسم حيتقسم دي ما دايرة 2 3
و الكلام ده ما بعيد
تعال بعدين اقعد كورك و جوط براحتك
وانشاء الله تلقي البسمعك
والاختلاف لا يفسد للود قضية

الحاج متولى · 02-11-2004, 15:46

يوسفنى حقا ان تناقض نفسك بنفسك
قد اكون اعجمياً (لانى من ابناء جنوب هذا السودان الذى تملكه)
1/ ولكن قلت فى حديثك ان هناك من يقول لكم شمالين وانتو ما قاعدين تشتغلو بيهم
2/ وتانى قلت الناس ديل البقولوا كدة جهلة
وفى حتة تانية انت تطرق الى ان الجنوبين والغرابة حيقول ينفصلفوا
يعنى برضو انت ميزت وبيقت مع الناس الفى رقم (2)
عفوا اخى العزيز لم اود الاساءة الى شخصك ولكن يبدو ان الانسان يظهر حقيقته بدون ان يدرى
مجلس الامن بتاعك دة تمشى ليه انت
لاننا ما ناس شكاوى
انحنا ناس بنشيل حقنا بعين قوية
ولو كل اعضاء المنتدى دة كلهم دايرين يعقبوا
مرحب بيكم
انا على الخط اربعة وساعة

al3ate · 03-11-2004, 18:08

طيب شيلو يا اب عين قوية و كلمني بعدين

al3ate · 03-11-2004, 18:14

معليش
لي عودة
اول شي وينا الحتة الانا بناقض فيها نفسي
الشي التاني
ما سالت نفسك انا عرفتك كيف من ابناء الغرب او الجنوب؟؟
مع اني لا شفتك ولا التقيت بي شخصك الكريم ده ابدا
ولا حتي سمعت صوتك
اسمعو كلامي و عوارة الجعليين دي سيبوها
فكروا بالمنطق
و بالمخ
امريكا دي لو دايرة تقسم السودان نو الحيقيف في وشها
رد علي سؤالي ده بس
نحن بين يدينا
دايرة تقسمنا حبابا 1000
دايرة تخلينا بلد واحد زول تاني بعمل معارضة مافي
وللمرة التانية بقول ليك الخلاف لا يفسد للود قضية