النميمة فى انسان بريئ قد تؤدى الى ؟؟؟؟؟؟؟؟!!!!!!!!!
ضيعونى وسهرونى خلو ليلى زى سجن ما فيهو نوم
نحلو جسمى فطرو قلبى ورونى فى عز الهجير كل النجوم
قالو فينى وشربو دمى وقذفو فى جسمى النحيل ابشع سموم
قالو طلعت قالو مرقت شوفوها قشرت كل الهدوم
هى شوفو فى الركشة طلعت قلة ادب مليانه لوم
خلالالالاص ماشه ليهو ود الفلاته المعفن
شلوفتو من السفه بس عاوزه تجن
رقبتو مشموطة زى قزازة سفن
... واستمرت النميمة ...........
قالو شغال فى الجمارك زولا طويل
لالا بعينى شفتو ضابط عديييييل
اجى ما قالو مغترب لكن فى الغربة بس عابر سبيل
....... واخيراً قررو يمشو وراها .........
رايكم شنو ببراحه بس نمشى وراها
نلبت ليها هناك عشان نعرف هواها
هىىى برى عشان يقولو لى كنتى معاها
احييى الشمار ولول بى عديييل ان قاطرها فى نعليين خطاها
انا لو راجلى يطلقنى ولو ولدى يفلقنى انا بس وراها
اجى يا بنات امى الركشة ما كسحت سماها
انتى عندك كم ؟
التكتحك كش كلو وعاوزه بى ديل تجرى وراها
وانتى رابطه فى طرف التوب شنو؟
طراطه!! الترمس اليجبرو بيهو حواجبينك عشان يفرزو كل واحدة براها
اكولينكن نلبت هنا يمكن يرجع معاها.
.... ولبتو ليها ........
صنقرو وفى حجر كبير اتعنقرو
سادين ثغور ولما استحو ادمدمو
وبعدين وقت ولمن عناقيرم خدرو
وفجاة النور كشف والركشة جات , الجماعة بب اتسمرو
هى وواب على يا جكس هههى اضايرو
الركشة وقفت والعيون اتحجرت
المسكينة نزلت والقلوب من الضرب اتنافرت
ومن الخجل زنوبة بت حاج حمد قامت جرت
وكلتوم بتاعت قراصة النبق تحت الحجر جابت ولد
وبطن السره طق طرق كيماوى جد
....... ودى قصة المسكينة ......
اصلو الحصل ,,,,
اصلو البنبه من الزعل قامت يجيب ليهم الدوا
ابوها المريض , واخوها المنصنقر مع المسلسل والهوا
قوم يا ولد جيب الدوا
اممو فلقتو بالنوى
حبوتو قفلت الرسيفر مع التلفزيون سوا
قوم يا ولد جيب الدوا
وبكسل وعويج رجول يا يما انا تعبان شديد
ما عارف كده زى الناقصنى حديد
راسى لافى وطعم خشمى زى الصديد
حبوبتو بى لوية خشم
اولاد اخر زمن زى السجم
طول العصر قاعد تلف لمن سطلنا زى الالف
وما كفتك الشديدة كمان قاعد تسف
امو فوق العنقريب اتمحنت
المسكينة لمن ابوها قام سعل
البنيه رجفت وقامت من دراسته بزعل
لبست هدومه ولفحت شنطته بكل عجل
العرض العادي
