(بسبب أم العروس) إنت طالق ،،،،،،،،،،،، للنقاش

sudany ana · 05-11-2006, 01:10

الإخوة الأعزاء.
عندنا الليلة موضوع بالجد مفروض نتناقش فوقو بكل صراحة وأريحية .
عندنا هنا في السودان عادات وتقاليد نعتز بيها ونفتخر بيها بالذات في الزواج.
قولت الخير
الخطوبة
الشيلة
الخ......
ولكن هنالك بعض الأمهات التي يتمتعن بحب كبير للمظاهربصراحة كدا يعني تقوليك بت فلانة جابو ليها في قولت الخير 2 مليون وجابوليها مع الخطوبة السد الفلاني وجابو ليها في الشيلة كذا وكذا وكذا.
طبعاً كلنا بنعرف أنو أي أم بتحب تشوف بنتها في أحست الأحوال ودا من حقها طبعاً لكن في بعض المبالغات الممكن تقيف عائق أمام زوج بتنها وهي ما قاصدها مثلاً:- تقوليها العريس مفروض يعمل كدا وكدا وكدا والبت هنا ما حترضى تزعل أمها وفي نفس الوقت تكون متفقة مع زوجها وبسيطة جداً ولكن بتوري العريس بمطالبات الأم وهنا العريس يبدأ يحقق في هذه المطالب.
أم العروس طبعاً يا أخونا ما جابت الكلام من عندها بس لكن فلانة قالت ليها كذا وكذا وهي سمعت وعجبا الكلام.
أنا يا أخونا الكلام دا ما بقولو لأم العروس بس لأنها أصلاً يمكن تكون مافي حتى ولية الأمر بالنسبة ليها بتعمل القصة دي وتحرش وتحرش وتحرش.
نجي نخلص من المعمعة دي كلها ونعمل العرس وبرضو النقة يوم العرس أهلو كتار وجايب حبة ما عارف أم العريس بتعاين لي كيف خالة العروس ما سلمت علينا المهم. نخلص من يوم العرس .
حتى بعد ما وصلت بيتها ملاحقاها لييييييييييييييييييييييييه؟؟؟ ليه ماجاب ليك العدة ؟ خلي يجيب لي العدة. أمو ليه قاعدة معاكم ؟؟؟ خلي يقعدك في بيت براك. وكدا
في النهاية خلاص العريس هنا (طفح الكيل): أنا زهجت منك ومن أمك وإنت طالق.
وبكدا تكون خربت بيت بتها وهي ما قاصدة.
ودمتم

hazim · 05-11-2006, 18:36

يا ابن اختي اي ام بتحب لي بتها السمح علشان كدا الامور دي بتحصل.
.والله يعفينا من الحما النقنااااااااااااقه.

فخاخ وثمة أثر · 05-11-2006, 23:53

Dhvfd Hgpg Ak,?

**رغــَــد** · 06-11-2006, 21:03

اخي سوداني... شكرا للموضوع المثير

ان من وصفتها هنا هي ام اربع واربعين وليست ام العروس... فهذه التي تجتمع فيها هذه الصفات لا بد أنها تريد لابنتها ان تتواجد بجانبها للأبد... لم ار بحياتي نموذجا مثل هذه الأم التي تشتكي حتى من عدد اهل العريس...!! ربما المبالغة لعبت دورا في اخذي هذا الانطباع.. ولكن بالنهاية.. انا مع ام العروس في كل ما تقول.. فهي عاشت هذه التجربة وتريد لابنتها ان تعيشها بأكثر صورة مثالية.. ولكن العروس هي الحلقة الواصلة في كل هذه الإمور وهي التي يجب عليها ان تهدئ من روع والدتها بإخبارها بإمكانات العريس المتاحة... فاللوم يجب ان يقع على الإبنة التي تسكت عن طلبات والدتها المبالغ فيها,, وليس على الوالدة التي تطلع للأفضل...

تحياتي لك

sudany ana · 07-11-2006, 20:52

تشكري يا رغد على الرد .....
لكن المبالغة في والله كتيرة كمان.
والمشكلةإنو البت ما بتقدر تهدي الأم وإنما الام هي البتتكلم والبت عليها تنفذ وبس.
ودا ما معناتو إنو أنا ما مقتنع بدور الأم لكن في حاجات كداحقو نشيل منها العاطفة عشان الأمور تمشي .
يعني أنا ممكن أناقش الوالدة بحيث إنها تقتنع من دون ما أكون زعلاتها.
بس البت يمكن تكون شوية حنينة على الوالدة وما تقدر تقوليها لأ ومش لأ بمعنى لأ بس تتناقش معاها وبذات في أمور العرس لأانو هي بتخص البت أكتر من الأم.
ودمت,,,,,,,

شجراوى · 08-11-2006, 14:30

ياسلام لمن الكلام يكون بالجد جد

حقاً إن الذى يخرج يده من الماء البارد ليعيدها إليه مرة أخرى ليس كمن يدخلها مستجيراً من الرمضاء بالنار .... نطقت حقاً وصدقت فتلك ألام ( الرؤم ) على إبنتها والتى تمارس كل الضغوط على زوج أبنتها ( متوفره ) عندنا كما النيل لا تألوا جهدها لتمزق فاتورة ( الزواج ) النقى لاجل حنفة من الثياب وبعض ( الكبابى ) ....

وعشان كدا ياود أختى نحن زمان أتنازلنا من حقنا فى العرس عشان ( الجن ) الاسمه جيب جيب دا ... وياريت لو بعجب لو جبته ... وعلى بالطلاق طلقانه بالتلاته ( الحتجى ) بعديييييييييييييين وتشبكنى امى قالت لى وقالت لى .... وبينى وبينك ناس هسى ديل كلهم ناس ( ماما ) ....

دى بس هى التجى ....!!!!!

شجراوى ( الاخضر )

ابوشراء · 08-11-2006, 15:25

ام العروس يا آفة الزمان...

ضيّق الجيب تلزميو بالكيمان...

زولك لا بتحلو الفركة و لا الدبلان...

و لا بتحلو الشبكة ولا التيبان...

و ما بتمرقوا الشيلة و لا الصيوان...

لازم يكسي الخرطوم و امدرمان...

في يوم عرسو المسكين قرفان...

على العليو يجيب فنان...

و الفنان لازم يكون سكران...

حالتنا تصعب على اهل العدوان...

و العجيب في المسالة الامعان...

انا بقول تشخيص الحالة ادمان...

هجوم التكل على الديوان...

و ضعف الرجل قدام النسوان...

و الحل في السنة و القرآن...

تسهيل الزواج على جميع الشبان...

شرطا يكون اديب مو فلتان...

يكون شديد مو مرضان...

يكون صِبَي صُح مو سجمان...

صاحب دين و الاخلاق عنوان...

sudany ana · 26-11-2006, 15:21

والله يا (خال) نحنا نعرس( أم العروس) وخلاص نرتاح بس من غير م يكون هي ذانها أمها قاعدة وبكدا النقة حتبقى من طرف واحد الأم بس بدل (الأم) وبتها.
المشكلة أنو في نا س بتعارض وبقول ليك لأ دي (الأم) التقول نحنا مافي قلبنا رحمة
والغريبة الأم تقول ليها (عرسي )ود فلان تقولها لأ أنا بعرس البعجبني وعريسي بختارو أنا لمن تقوليها خلي راجلك يجيب ليك ويجيب تقول ليك ما بقدر أزعل (أمي) نحن ما بنقول نرفض كلام (الأم) ولكن بالمنطق.

اقتباس:

صاحب دين و الاخلاق عنوان...

صدقت يا أبو شراء

sudany ana · 27-11-2006, 21:12

يارب أرزقنا المرأة العاقلة والرزينة ودا ما معناهو ماتطلب لا تطلب بس في حدود المعقول
ودمتم

3ashg hana · 27-11-2006, 23:39

الجميل حبيب الكل (شجراوي ) لك عاطر التحايه ...

اقتباس:

وعشان كدا ياود أختى نحن زمان أتنازلنا من حقنا فى العرس عشان ( الجن ) الاسمه جيب جيب دا ... وياريت لو بعجب لو جبته ... وعلى بالطلاق طلقانه بالتلاته ( الحتجى ) بعديييييييييييييين وتشبكنى امى قالت لى وقالت لى .... وبينى وبينك ناس هسى ديل كلهم ناس ( ماما ) ....

كدي دا شنو الطلاق البرة خط سته (6) دا مالك الجاك شنو كدي قول بسم الله ...

أول حاجه كان عشمان تلم ليك في واحده من غير ما تقول ليك (أمي قالت) دي السماء اقرب ليك ...

لاكين دا برضو ما سبب تتنازل عن حقك في العرس حتي إن كان العرس دا (شر لأبد منه ) ...

الله يسهل لينا العرس دا وبعدين موضوع أمها هين الله ...

يا بت العز .. يا ست الجاه
يا هسع دية .. يا بكرانا .. يا ماضينا .. يا بعدين
نكون كنا .. وبقينا متين
وكيف تكدح مواعيدك مواعيدنا ونساورك وين

(حميد)...

وكل احترامي ...