|
مشاركة: (بسبب أم العروس) إنت طالق ،،،،،،،،،،،، للنقاش
الأخت بنت النيلين ..
مرحب بيك والله وكلامك عين العقل وياريت لو كل البنات يكونو فاهمين أمهاتهم وبكدا ما حتكون في مشكلة وحنكون إختصرنا سكة طويلة شديد .
وشكراً على الرد .
الأخت السمحة ..
أحيك وإنت تدافعي عن الأم وأنا برضو قلتا أنوا الأم هي الأم مهما كان .
وقلت برضو أمهاتنا لمن عرسوا كان زمنم أحاى من زمنا بي كتير ومع كدا حبوباتنا كان كل همهم الراجل يكون راجل بس بقدر يعيشة تمام وبس ، لكن تعالي شوفو طلبات أم العروس الزمن دا خارج نطاق الحياة الزوجية تمامأ وما حزكر ليك منها شي عشان تفكري فيها براك وتشوفي صحة كلامي .
وبعدين منو القال ليك رجال الزمن ما مضمونين ؟ يمكن أكون معاك بس... إذا إنت ما مقتنعة بلراجل البخليك ترتطبيهو شنو ، ماهو لو ما مقتنعة أنسي قصة أم العروس لأنو حتكون في مشاكل أكبر من كدا ولا شنو ؟
وبعدين أنا ما رفضت قولت الخير والشيلة والحاجات دي لأنو ختى أمهاتنا وأبهاتنا قامو عليها . لكن أنا بقصد أنو الحاجات الزيادة دي بتشكل عبئ على باقي الحاجات دي,وفي الأخر أنا بقوليك أنو الشي البحصل الزمن دا مبالغ فيهو .
وشكراً ليك كتير على إثراء النقاش وشكراً على الموضوعية .
ودمتم
| التوقيع |
|
|
|
العرض العادي
