سطـــور الواطــــه - الصفحة 3

محمد علي سليمان · 17-08-2008, 17:14

لما الالم يعبر بدل الحروف والامل يفتشوه يلقوه زيف تبقي المسافة بينك وبين الرجعه طيف تتوسد الفضل من الوجع الحريف بس اتذكر انو حتي الارض حاضنة الوجع منتظره شهقة خريف

الزول الحنين · 18-08-2008, 00:18

اترغبك

وانت تحفر على رحم بنيات كليماتك

معاناة الوطن

تسكب عرق كل الحروف

تروى الصحارى والجروف

بى حسك الحانى العطوف

وهناك أكيد

حتقوم اشعة بكرة

من تحت الشمس

تعلن افول ليل سديم

ما بتوصف ,,
...
ابوعاقلة بدهشة وانبهار اتصفحك
اتوغل بين حنايا السطور اجد نفسى ما زلت فى البدايت ..
. كن دما بخير ...
تحياتى غسق النيلين

أبو ميعاد · 18-08-2008, 13:07

اتمردغت في هبود رماد نيران وجعنا الطول وبعد ما انتحر المركوب واجهت الكراع الرمضاء لاختبار الذهب وعندما تصل الحرارة مارة عبر اللحم المهرى من حقن الكلوركوين طردنا الراجمات مرة الطعم
شلت المخلاية وحمت معاك مسردب فوق ضهر حروفك الأنيقة الطالعة من نفس شايل ألق الأمل وسط حصار سودا يومنا
لك التحية محمد أبو عاقلة وقد نقلتني بين صور شتى وتركت الخاطر يجول مع الصورة
واصل لا ترمي وجعك ليسرقه الشعاع لأن أعيينا باتت لا تعشق الترحال وسط الغيوم
بانتظار مزيدك بكل أناقتك

اسطوره · 20-08-2008, 21:02

متل صوت الربابه حنين متل دارب الهوى الراشي متل غيم الصباح الصاب متل شوق الصبابه العامي رايح لي شقى التحنان تحياتي ود ابو عاقله ع السرد الطموح

محمد ابوعاقلة · 15-10-2008, 16:12

زي الراكبني اللوم ... وسايقني حمار النوم
هي لكن البحوّم حمير النوم بالنهار شنو غير القلق ...
بجيكم يا بشر راجع
بس
ادوني صنه