اخي نسعد بأن نوازي بين حبيبات الهواء عند منعرجات الصدف
ولكن ان يخرج لنا ريحا نتنة فهذا ما ندعوه الفراغ الحقيقي
استجم فينا ببشارات الفرح القادم من كل مكان , فاليوم سعد لك طاب المقام , وصليل الاحرف المنداح اليك انما عنوان للترحيب بمبدع آخر آثر على نفسه عدم الفراق . فأضف وقف , وتأمل واستشف , وارتجل وخف , فثقلان الامر لا يعني , التنآئي عن قرص الشمس فاستدر وأنظر , ولاتنحدر واستر ,
فالعلو مكان لا يأتى لغارم من القول سرق .
بقاءٌ احمد
ونزول أسعد
لوجه ارغد
التعديل الأخير تم بواسطة : طائر مهاجر بتاريخ 01-11-2006 الساعة 17:59.
نسيتيني وما قايلك بتنسيني
نسيتيني ونسيتي انك نسيتيني
سالت عيونك المحتارة لمن انتي شفتيني
مشبهي ولا هادية النظرة ام بهتت عناونيني
هدلت عجن رويتي وجن بنانك في شفاكي طعن
اتاريك ما عرفتيني
حرام والله تنسي الماضي يا غرة دواويني
فاكرك فوق جحيم مشتاقة صابرة متين تلاقيني
اتاريك انتي في وادي وبنات افكاري في وادي
وقليبك طاشي بي غادي ناسي البينو والبيني
استاهل عشان طاريك لم سهيتي عن ديني
فقدت الزاد وقلبي المات والله يكضب الشيني
اغني وما عرفتي غناي هويتك وما حفظتي هواي
حنانك زي ضايقو سواي ينتح هينو من هيني
دغدغت المشاعر الباكية موت احلامة ود عيني
ضمدته الجراح النازف من اعماق شراييني
وجيتك برضي انا الولهان اصدح بي غنواي زمان
وناسي اوجاعي والاحزان داير اتهني بي حيني
اماني بلاك وهم ما بيبقي حتي كان جرحتيني
راجيك يا تقابة قلبي من الظلمة احميني
تراي صابر اغني وادوبي بغفرلك تعالي وتوبي
نكر صوتك صداك
غالطني الزمن فيك
شهرت على الجفاف وعدك .. بطاقاتنا الخريفية
مرقت على المطر حفيان
لقيتك والرزاز مدخل .... وناديتك
أقيفي معاي نشبل كتف الغنى الميل
ونخبل حلم دونك بيتحق
وقبلك خيل دماي واقفة على شرياني تتشهق
وبرق صوتك صداك ... غنيتي
رشحت حلقك لاذاعات الشجر
والمنتظر من عودة المدعو المطر ...
للطنابير والمسادير والدابو هسى بين مزادات الحروف
غيبت رسمك واحتكرت للظروف
والزمان الجاي واللحظة اللفاتت مني هسى
يا واقفة بين جرح السحاب وبين شهقة الارض البكر
ما كان دا ريد
كان احتمال تغيير قوانين حركتك
ما بين حديثنا ولحظة الفعل الحقبقي
وانتباهك انت للشارع البيرشح في مسام رملة توقعو
وانحيازك انت للشارع البيرجع تاني لنقطة بدايتو
غايتو امشي في الدرب البطابق فيهو خطوة صوت حوافرك
يا فرس كل القبيلة تلجمو
ويفر يسكن مع البدو في الخلا
مايرضى غير الريح تجادلو وتقنعو .....
يا جمة يا رايع انك تفتح نوافذ الزمن الجميل
حذار من التمادي فالدواخل مشحونة بالبركان
إليكم أنتم
العرض العادي
