|
طـــرائف الفنانين (لذيذة) !
هنا طرائف بعض الفانين والأغاني.... أتمنى أن تنال إعجابكم
1) كلام يا عوض دكام
كان الشاعر محمد ديكور يشاهد مباره كره قدم واتغلب فيها السودان 6
فجأه قال" والله شينه كورتنا" وبعد شويه " كلام يا عوض دكام"
فقالوا ليهو الجماعه
يا محمد
خلي الكوره
شوف الشاشه زاتها
قال طوالي
دي الشينه شاشتنا
ومن الوقت داك لحنها واداها للأخ طه سليمان
وبقت نشيد علم الحفلات.
2) )الفنان الدكتور المرحوم عوض دكام معروف بي الحكاوي الطريفة وإن كانت علي نفسه ..
حكي في واحدة من المرات إنو جاتو بت حنكوشة تقلع ضرسها وكانت متجرسة شديييد وخايفة ..
قام هو بقا يهدئ فيها وفي أثناء ذلك قلع ليها الضرس بدون ما تشعر وقال ليها قومي خلاص ..
البت إتفاجأت وما صدقت إنو قلع ليها الضرس ..
الدكتور المرحوم عوض دكام قال ليها:
عليك الله ما عب فنان ؟؟؟؟؟
البت إتحسست وسكتت وما ردت !!
كرر ليها السؤال وقال ليها :
في ذمتك ما عب فنان ؟؟؟؟
تاني البت عملت فيها ما سامعة ..
كرر ليها السؤال قال ليها :
النبي فوقك ما عب فنان ؟؟؟
قامت البت قالت ليهو :
أي فنان ...
قال ليها :
يعني عب مش؟
3)المرحوم الدكتور عوض دكام ايضا كان من الفنانين ذوى النكته ومشهور باحساسه الفكاهى
ومما يحكى عنه انه فى ذات مره كان فى عيادته فدخلت عليه امراه عجوز فاستغربت من هيأته وقالت له (ياهو انت عوض دكام؟) فرد بالايجاب, فقالت: كنت قايلاك سمين وحلبى,
فاجاب: ولقيتينى ازييييرق وعفين!!!
4) المرحوم الفنان أبو داوؤد مشهور بي الفكاهة وحس الدعابة ..
في واحدة من المرات قابل أبو داوود الفنان زيدان إبراهيم وسألو وقال ليهو :
يا أبو الزيك عارف أغنية الجدادة المفضلة شنو ؟؟؟
زيدان قال ليهو :
لا أبداً ..
أبو داوود قال ليهو :
أغنية في الليلة ديك ...
5) وبرضو مرة أبو داؤود كان سايق عربيتو
قام أشرت ليهو واحدة متحنكشة دايرة تملح..
وقف ليها وقام شغل شريط خاص بيهو أغنية نعيم الدنيا... وهي طبعاً ما عارفة انها راكبة مع أبو داؤود، في نص الأغنية سألها
بتعرفي الفنان دا؟.. قالت ليهو: فنان شنو دا حمار.. قال ليها: قلت شنو؟؟
قالت ليهو: قلت ليك دا ما فنان دا عبارة عن حمار ساي ...
أبو داؤود وقف العربية ونزل مشى على الباب الراكبة جنبو فتحو وقل ليها: تنزلي والا أرفسك
5) قالو برضو ياخوانا ابوداؤد كان بغنى فى حفلة والصف الاول كان كلو جكس حجم عائلى كلو واحدة اسمن من التانية.
وبعد الاغنية الاولى قام الجماعة كوركو ليهو: بالله يا استاز فريع البان ...
قام عاين ليهم وعاين للصف الاول...وقال ليهم: فريع البان كيف مع شجر التبلدى بتاعكم ده
أتمني انها تعجبكم
|
.gif)
العرض العادي
