|
مشاركة: أهـــدي للــبعــدك عيـــديــــة
--------------------------------------------------------------------------------
بسم الله الرحمن الرحيم
انا اهنئ جميع المنتدي بالعيد السعيد
واخص هذه القصيدة للبعدي
علما بانها ليس من تاليفي :-
أقولها نصيحة ليك يا بابا
أحذر جيرة العذابة
أهل الضمنة والكشتينة
ديل أهل الطباع الشينة
ليهم مرة نحن مشينا
لا إتغدينا لا إتعشينا
***
لو وقعت ما بتنحل
حتى إن كان بقيت زي بله
ديل القوم في أي محله
نص الليل بشدوا الحلة
***
يعبوا البيت زي الباخرة
ما بعرفوا السراير الفاخرة
دفاتر الكل عليهم ساخرة
أصلوا خلاص بقت دين آخرة
يخلوا البيت مبشتن ديمة
يدخًلوا فيه عدة قديمة
كمان لو فيه شجرة نيمة
يكون وسخان وحالتو أليمه
***
الملاية ما مفروشة
وجوه الأوضة قامت كوشه
ست البيت تكورك فيهم
ديل أخواننا ضربوا قروشا
***
الغسًال يكورك فيهم
والتاجر أبا يديهم
والجزار مشرك ليهم خلاص يا اخواننا عرفوا الفيهم
زحمة شديدة في الشماعة
ريحة كريهة في البلاعة
ديل في الحلة عملوا مجاعة
شفطوا القدرة في نص ساعة
***
ضد العرس رفعوا الراية
ديل إنحلًوا من الداية
لا تطعيم كمان لا رعاية
مافي كرامة ولا سماية
|
[/IMG]
مشاركة: أهـــدي للــبعــدك عيـــديــــة
.gif)
مشاركة: أهـــدي للــبعــدك عيـــديــــة
