إنتظار

Mr_Left · 18-10-2006, 13:28

يوم إنتظرتك في الغياب
شدت قوافلك
حيل خطاك علي السراب
ومرقنا نندب في المطر
من مدة ضاراهو السحاب
ياريتو لو يطرا الشدر
يفرش بساطو علي اليباب
خليك من كل العشم
يوم كتف آمالك ضباب
صوتك غرق نص العدم
وأنا صايغ إحساسي الألم
شوق البعد ودع وغاب
شاشق علي دربا بعيد
دار من جديد
يتقلد إيقاع القصيد
يمكن يعيد
نبض الحروف
زمنا سعيد

نبض الحنين · 18-10-2006, 13:58

عندمــــــا قرأت هذه الكلمات...أن عواطف الارض..تجمعت في هذه الأسطر....
وعطر الحياة انثــــــال من بين حروفك.
.ليضمخ جوانبنا بمشاعـــرك الصادقة...المفعمة بي كل معاني الروعـــة...

أبدعـــــــــــــــت..حقا...

Mr_Left · 18-10-2006, 15:16

تسلمي كتير يا رائعة ولكن كلماتك لاتقل وهجا وإبراقا عن منتهى الروعة
دمتي لنا

محمد الامين عبدالرحيم · 18-10-2006, 16:23

لا اعلم ما لذي جعلني اتخيل بان هذا الكلام موجه لي انا

وان مستر ليفت يقف امامي ويخاطبني بكل الرصين

وانا في تلك اللحظة تنفلت دموع الحنين لي التراب لغالي

تسلم يا نديان بالوطن الجميل

توتا · 19-10-2006, 01:36

يا مستر
لما تغيب وتحرمنا من الروعة دي

ابوطاهر · 19-10-2006, 04:03

صدقني
كنت بحلم بيك معايا في عز الهجير
ومعاك شايل ليّ مطر
وكتين خلاص كل الامل
العايشو في ايامي يصبح ليّ سراب
تبقي البسمة في عينيك
سحابة شوق تشيل كل الهموم
الحايمة فوق ليل السفر
ما اصلو شوفتك زي خريف جايينا
في مُر الزمن
سايق معاهو دعاش محبة
في وقت السحر

الرائع مستر لفت دوما تتحفنا بالجديد وبالجميل ...ودوما كلماتك تلهمنا لنكتب عما بداخلنا ...وعباراتك تزكرنا بمن غبنا عنهم ومازلنا نكن لهم الكثير الكثير من الود...فدمت اخي بخير ...واتحفنا يا رجل..

شايقية · 19-10-2006, 21:51

يمكن يجسد فينا عشقا فريد
يمكن ينحت في ضلوعنا ويصل الوريد
يمكن يجتاحنا بي شوقا جديد
ويمكن يسلبنا روحنا بعنف شديد

أخونا الجميل جدا : مستر ليفت
ياتو نور شايلنو منك .. وياتو ضل وارفنا بيهو .. ما انت زي طيفا جميل .. يطربنا بي الحان غناهو ..

يديك العافية .. ودمت بخير يا رب ..

Mr_Left · 20-10-2006, 00:33

اقتباس:

المشاركة الأصلية كتبت بواسطة wd-Elamin

لا اعلم ما لذي جعلني اتخيل بان هذا الكلام موجه لي انا

وان مستر ليفت يقف امامي ويخاطبني بكل الرصين

وانا في تلك اللحظة تنفلت دموع الحنين لي التراب لغالي

تسلم يا نديان بالوطن الجميل

يا روعتك
مسكونة إحساسات بهاك وضجتك
مسكونة بالوطن الحنين
يا روعتك
في كل موضع فيك
إحساسك أمين؟
يا روعتك
وفر دموعك
لي ربوع جفت سنين
كان يروي دمعنا حبها
أو نفنى كلنا قربها
أو يستبين
إيقاعنا لهفة نبضها
يا منها !!!!؟

Mr_Left · 20-10-2006, 00:46

اقتباس:

المشاركة الأصلية كتبت بواسطة توتا

يا مستر
لما تغيب وتحرمنا من الروعة دي

السودانية ذات الطعم النيلي النبيل توتا

والله لولا أنني
قسرا ذهبت وجدتني
هنا قد أقمت بمسكني

عذرا لكم جدا يا أشقائي في عشق هذا الوطن
سنبقا مادام فينا سامقاً

Mr_Left · 20-10-2006, 00:52

اقتباس:

المشاركة الأصلية كتبت بواسطة ابوطاهر

الرائع مستر لفت دوما تتحفنا بالجديد وبالجميل ...ودوما كلماتك تلهمنا لنكتب عما بداخلنا ...وعباراتك تزكرنا بمن غبنا عنهم ومازلنا نكن لهم الكثير الكثير من الود...فدمت اخي بخير ...واتحفنا يا رجل..

ما أسعدني أن أكون ملها لأناس هم الإبداع الخالص والروعة الكاملة إلا أنني أعيدها ما أنا إلا أحدكم يشعل في الإبداع حبكم وحنينكم الصادق

يا أعز الناس