لك التحية محمد النصرى

جمة حشا المغبون · 16-10-2006, 22:14

اعـتــدتـا الـجـراح يـا غـالـيـه ما عاد البشوفوا جديد
ومـا بـشـعـر بـقـيـت بـالـطـعنه مهما كان مداها بعيد
واحـد عـنـدى كـان الامـى تـنـقـص ولا تـــانى تزيد
ولا اصـبـح مـلاقـي مــآسـى ولا يـطـل عـلـيـه العيد

مـاهـو غـريـب عـلـيـها اقدارى تقصد قلبي بالتحديد
ومـاهـو غـريـب عليـها الدنيا ابقي عدوها انا الوحيد
يـانى صريعها من شبيت فوق من مهد الطفولة وليد
لـمـا كـبـرتـا واتـرعـرعـتـا فى دنـيــا الغـرام والريد

مـن نـار الـعـذاب الـضـقـتـو لو ما كنتا زول صنديد
كان فى قبرى بدرى رقدتا فى جوف ود احدو شهيد
الإ هـواك مـالـيـنى عــزيــمـه اه يـــا بـلـبـلى الغريد
بـلـقـاك والـمـحـن حـبـكـانـى دايـمـاً لـى مــادى الليد

إلا الـلـيـل عـاد فـى الـغـربـة ينزف قلبى دم وصديد
والـمـوت قـبـل اجيك صدقنى ياهو مصير تانى اكيد
الـشـقـى فـيـهـا امـسى قرينى والقيد فى خطاى حديد
والـشـوق بـلـهـيـبـوا ونـاروا يلعب فى حشاى عربيد

فـى ركـن الـسـجـون اتباكى ارزح فى الظلام والقيد
وخــايـف فـيـهـا تـبـقـي اقدارى حاكمى عليّ بالتأبيد
لـو يـجـدي الـشـعـر ادمـنـتوا كم سطرتا فيهو قصيد
تــرجــمــتـا الـعـلـيّ اغــانى لـو قـول الـشـعـر بيفيد..

جمة حشا المغبون · 16-10-2006, 22:24

زمن كان الدريـب واحـد حلينـا بقينـا فـى دربيـن
خـلاص اتفرقـو القلبيـن واتيتـم غـرام وحنـيـن
قبل كشح الوصـال مـاروق وراءالشيـل التقيـل وقـع
قدرمـا شهـد المسيـوق ولا الفطـن التـراب لسـع
يا حليلك يـا زمـان الشـوق ويـا اروع حلـم ودع
..........
حرام ما الريده بين سنين ومن زمـن الصغـار شفـع
وقـت اتصفـح الايـام بخصـم قلـبـى لا يـدمـع
واقولو اصلو الزمان قدار والراح تانى ويـن يرجـع
.........
رحل ما خلى غير تزكار مكتوب بى السـواد صفحـه
ضميرك خدروهو الناس بعـد فـوت الاوان يصحـه
انت حاتل فى بطون الصى يجيك محـل النـدم نفحـه
تقبل وين يتاورك ماضـى مهمـا خنتـو مـا بتمحـه
..........
حليلنا بقينـا فـى دربيـن وخلينـا الحنيـن مزهـول
احتار كيف يدارى البينه ونمرق من مصيـر مجهـول
لكن يا حنين الحاجـى فـى دابنـا الدريـب بيطـول
ولا تضهب وحاتك بينـه نحـن البينـه مـات مقتـول
..........
خلاص اصبحنا فى دربين ويقن حادى الدريب يوم مات
بعد ضاق المرايـر كيـف يتلمـو انتصـار وشتـات
سعادتك لو تمن للفرقه بدفـع عمـرى لـى الشمـات
وليك اتمارى وين ما تبقى ياظالـم حقيـق مـا مـات

جمة حشا المغبون · 16-10-2006, 22:27

ما حبيت عينيك بالصدفة
ومالاقيتك دون ميعاد
اتلاقينا صباح الدنيا
وشلتك منية
واتجنستك بالميلاد
يا احلام القلب الراد

شايقية · 19-10-2006, 22:21

(جمة حشا المغبون)..

منذ قدومك ونحن نستمد منك الضياء والألق .. وبذوقك الراقي تمتعنا بكل ما هو جميل ورائع ..
فخليك واصل .. ودمت بخير ..

ودكبوشيه · 22-10-2006, 07:53

جمة حشا المغبون : علمي نفسك ماتندهشي صدقي كل الما معقول مافي وقت للدهش الايام ايقاعه عجول ماحانادي عليك واصيح ::: نسيتيني وماقايلك بتنسيني نسيتسني ونسيت انك نسيتينس ::::: سألت عيونك المحتاره لمن انتي شفتيني تتبهي النظره ام بهتن عناويني :::حرام والله تنسي الماضي يادره دواويني ::::: مشكوره علي النثر الرائع والتحيه للاستاذ الشاعر والفنان محمد النصري ودمتي اختي لنا والي الامام دوما

محمد الامين عبدالرحيم · 22-10-2006, 13:01

فاق الجمال هذا القادم

واصل الهديل النامي

وكن بحب الترب نديان

جمة حشا المغبون · 30-10-2006, 16:55

كيف عاد العيون مابتبكي ما دام في الحزن غرقان
وكيف أقدر أوقف سيلة ولومك يامناي أعياني
الحزن الحزنته عليك ما ظنيت تعيدو أغاني
وحبك قدر ما أسعدني يا أحلام صباي بكاني
أياما قضيته معاكي ما ظنيت يعيدة زماني
ما ظنيته ربوع البادية تبسم والبلاد محلاني
انت يامولد هواي العذري وينك أنت من أحزاني
والله خلاص بعد فرقتنا كل واحد يلوم التاني
أوعك من تصدقي أنو بعدك أصلو ما هماني
والله طيفك يا بهية الطلعة لا خليتو لا خلاني
الناس قالوا لي الغالية في شكواك دوام لا يماني
وماك عارفه العذاب العايشو لخبت يا مناي كياني
بعدك ما قدرته اطيقوا يا نور عيني حتي ثواني
من فتيني يا محبوبة ضايق بي على سوداني
غايتوا عزاي في دنياي طيفك ما نسي ونساني
زادي انا لي عميري الباقي انك يامناي طاراني

جمة حشا المغبون · 30-10-2006, 16:58

سلام يجمكم ويملاكم عافي
بسال عليكم وعلى الجميع
وين شايقية ست الاسم؟
ماتكون شوايقة لندن
نحنا ركذنا هنا عشانه وعشانكم
املونا ابداع

جمة حشا المغبون · 30-10-2006, 17:02

[كلمات العملاق ::: حميــــــــــــد
وغناء محمد النصري
----------------------------------

كلم بنيات الجرف وكل البنيات من طرف تتبري من بحرا غدر
اتغاب ما راع الولف صاد الاخيتين بغدر
ليك حق يعافيك الحراز واليصطفيك طرفي وعشر
يامتوك الناس العزاز نابع قليبك من حجر
ما بتنفع انت بلا الخريف الصاقعي والريح وامطر
تنزف نزيف ما يحوش قيف لا من يقولوا عليك خطر
ما ظن نخيلك هز فوق سيرت عريس نازل البحر
ما طالة موجك ما بيضوق لا يضوق الناس غير كدر
عودنلو قشكن النشف يدغي ورويسات السعف
مكسور خويطره في قحف
ترغي وتسف ملح الأسف
عودنلو والسنبر برق جنحاتو بالأشواق سحر
قاصد جريف ود شيخ يخف لي مويته من دون البحر
والليلة زي غيما رعف حين طال علي ريح السفر
يا حليلو زينا ما عرف جوز القمريتين طفر
يا دنيا يانا ربات كتف ا
رغم الفجائع لا رجف
لا قال عوارضي أبت تخف
في بألو كم تاريخ سلف
لوكأن يشيل في الموت زرف دمعات أسى وحرقه أسف
آو بالعلي الحال يعترف كان عن رسول الله وقف
كلم بنيات الجرف وكل المكاليم من طرف
هي الدنيا كلها كم حرف لمن يطول فيها الأسف
هي الدنيا كلها كم حرف لمن يطول فيها الأسف