ديل أهلى الشايقية

جمة حشا المغبون · 16-10-2006, 22:11

عرب ممزوجة بي دم الزنوج الحارة ديل اهلى
الشايقية قبيله ذات ميراث ثقافي عريض
افخر انى واحده منها وافخر بتراثها الجميل تاسرني
اشعار ود حد الزين اسماعين حسن
ويذبنى غناء النعام ادم وابكي مع محمد جباره وهو يغنى للام
ويشكى الحنين غناءهم يقطر محنه وعشق للارض
والحبيبه

شايقية · 19-10-2006, 22:38

الشوايقة ديل أهلي الحنان
شعرهم حروفو غنا وكلها جنان
بتهز الزول من جوا الكيان
ليهم ريدة ما موجودة في أي مكان
وشوقن فياض ويحسسك بالأمان
وبنوتن جمال ساحر ووهج فتان
أدب وأخلاق معروفة على مر الزمان

قشاش الدموع · 19-10-2006, 23:32

حنين اهلنا الشوايقه مستمد من جمال ،وطبيعة البلد...
من صوت الساقيه في الجروف لصوت الطمبور الشايله وداحمد...
وصوت العازه وقتين تنادي علي جارتا يامنه ،، يامنه بت حاج سعد..
لصوت الريح وقت تقشى البساتين مع الصباح وتسمع الطير يغرد..
لطيبة اهلي وكتين تجيهم تدور تسالم شايلك الشوق الماليه حد...
تحلف تقول مارق وهم يحلفوا ، والله تقعد تقيل خلي الواطا تبرد ..

وليكم التحيه شايقيه ،، جمه حشا المغبون

القشاش