اصبري لي

elfatihshowaa · 10-10-2006, 16:24

مدخل:-
لو صبرتي شويْ
عليّ
كنت شفتي الفي
عينيّ
احل حب
في القلب واقد
احلي حب
اشواقو حيّه
نص:-
اصبري لي
بنتلاقا..
وكت تنحل
عقد الخوف..
وتصبح روحي
مشتاقه
بجيك براي
واونس بيك..
فيني هواي
ولا بخجل امام عينيك
ولا لكَنَةْ لسان عايز
يقول لِكْ
يا مني الاحلام
اصبري لي
بنتلاقي..
هناك جوف
الخيال بحلم
علي ارض الفؤاد والدم
معايا نكون..
كما الواحد
معاك اكون..
كما الساجد
مهذب لي لقاك قاعد
معانا تكون..
اماسي اللقيا ورديه
زفة وفرحه ابديه
وغيمة حب
فرايحيه
علينا تصب
سحابه وفرحه ابديه
لا هماً بكاجر الروح
واقابلك انت بالبيّ
واصارحك واللسان قادر
يقولك انت يا عينيّ
اصبري لي
بنتلاقي..
اصبري لي
بنتلاقي..
وكت عين الشمس تنعس
وكت تبقي العيون والحس
بحور تحنان
درب واصل من الشريان
والى قلبك
يطير فرحان
واكون داخلك
كما الهيمان
وتبقي معانا نجمات ريد
تبادلنا الغرام لمعان
يبشر فينا نبض الروح
كما العرسان
ومنك...
ومن عيوني تفوح
روائع الالفه والاشواق
ويبقي كلامنا نحن دقاق
واجيلك والقلب محتاج
يقول لكْ انت والافراح
اصبري لي
بنتلاقي...
اصبري لي...
بنتلاقي
هناك دخل خلايا هناك
خلا الريد النبض كالنبض
خلاك والارض
لا عارض
يقيف طولنا
ولا طولا
يسد العرض
ويبقي البينا كلو فراغ
ومني خطيوة تترجاك
وتتوسل!!
تقضي الفرض
علي مسجد هواك والروح
عشان تتلولك الاشواق
تقولك بي كلام مشتاق
اصبري لي بنتلاقي

محمد الامين عبدالرحيم · 10-10-2006, 16:35

والله كان حيئن بنتلاقة

جايك زي نيل يا جميل

دمت فينا مبدع يا ولهان

شايقية · 16-10-2006, 22:41

بنتلاقى لو طال المدى أميال
بنتلاقي وعيونا تحضن بعض بشوق قتال
وقلوبنا تتقابل وتتناغم عشان تحقق المحال
والقمر يشجينا من طرفو الميال..
والنجوم تكسينا من جمال الفال ..

بالجد كدا عجزت حروفي عن وصف الروعة في حرفك
فليك تحياتي بقدر تألق حرفك..
ودمت بخير ..

Mr_Left · 17-10-2006, 00:03

اقتباس:

معايا نكون..
كما الواحد
معاك اكون..
كما الساجد
مهذب لي لقاك قاعد
معانا تكون..

اخاف لو زدت في ريدك
تصل حد العشق تالاي
وتلقا مناك فات إيدك
تصير نجواك من نجواي
فلا زولا بيستاهل
و لاحبا بيستاهل
ولانحنا بنستاهل
صدق...
نبض...
العشق..
والريد!!!!؟؟ [/center]