مساماتك بتتراقص

جمة حشا المغبون · 08-10-2006, 23:09

مساماتك بتتراقص
علي وعدا بكون اجمل
اذا انفتحت سماواتك
صباحاتك بتتجدد
مع الموجه البتتمدد
وتتطلع من عويناتك
وتتراقص علي قلبك
فرح شفع تبل الغيم
وتجري ورى سحاباتك
وكت يحفى الفرح ويروح
ويطلع من لحاف الليل
ويسكن في مساحاتك
ويمشيبك علي مشرع
نسى الميعاد بعد قرب
وتاهت فيهو خطواتك
وانا التاهت خطاي قبلك
علي مدنا بنيتيها
وراحت في مساماتك
ورحتا معاك انا الدرتك
تكوني الجنة لي تالاي
ونغمة حنينة في ذاتك
جمال احساس يدوبني
اجمّل لي سما ارضك
ويلوّن لي صباحاتك

شايقية · 15-10-2006, 21:17

بالجد أبدعتا في إختيارك .. وخلتنا نسرح في الخيال .. ونتخطى حدود العشق والمحال ..
فأتحفنا ديمة بذوقك الجميل .. وأأسرنا بكل ما هو رائع ..
وليك كل التحايا .. ودمت بخير ..

Mr_Left · 17-10-2006, 00:16

جميل ان إحساسك بالجمالِ جميلٌ

جمة حشا المغبون · 28-11-2006, 20:47

جمال احساس يدوبني
اجمّل لي سما ارضك
ويلوّن لي صباحاتك

Abu Koko · 28-11-2006, 22:42

ذوقك رفيع و إختيارك رائع ... شكراً على أن أتحت لنا مشاركتك المتعة ... و دمت