الفنان المبدع / طه سليمان: لو ما حسيت بالاغنيه ما حتقدر توصلها للمستمع بالشكل المطلوب

REMIX_2006 · 03-10-2006, 23:07

:::: مفاجآت رمضانية ::::

وكما تعودنا دائما أن نرى الكثير من المفاجآت من خلال ما تقدمه لنا منتديات عشاق السودان....هاهي الآن تشرع في تنفيذ أضخم المفاجآت على مستوى المنتديات السودانية....ألا وهو برنامج

(((المفاجآت الرمضانية)))

وهذا البرنامج سوف يكون فيه استضافه لأكثر الأسماء شعبيه وانتشارا في المجتمع السوداني من جميع الأواسط...منها الفنية والدينية والسياسية و الأدبية وغيرها الكثير الكثير من شرائح المجتمع المختلفة....

اتحفنا في بدايته الفنان القدير / محمد ميرغني
بوجوده معنا وبردوده العفويه غير المتكلفه
وببساطته المتناهيه مما جعلنا نحس بأنه فرد
من عائلة ( عشاق السودان ) وليس بضيف فيها...
تقبل مني كامل احترامي وتقديري
وكل عام وانت بخير....

ويسعدني الأن أن نستضيف في هذا البرنامج الفريد من نوعه
فناناً متألقاً في سماء الفن السوداني وصاعداً بقوه نحو النجومية
استطاع بحضوره الملحوظ أن يثبت نفسه في وقت قياسي
على الساحة الفنية في الوقت الذي تكتظ فيه بالكثير من الفنانين الشباب....

فهو بغض النظر عن كونه يتميز بصفات الفنان المتكامل
من حيث قوة الصوت وجزالة التعبير والحضور الملحوظ إلا
انه يتصف أيضا بالتواضع والبساطة مما جعله
يكتسب مساحةً شاسعةً في قلوب الجماهير....

انه الفنان المبدع
.
.
.
.
.
.
.
طـه سليمان

فتفضلوا إخوتي بإلقاء أسئلتكم عليه

ود المتمة · 03-10-2006, 23:47

و كيف .. كيف .. كيف .. كيف .. كيف ،،،
لما الفراق يحصل إن شاء الله ما يحصل ..
وإن شاء الله ما يحصل الفراق
يا سيد الكلام والأذواق
مرحب بيك يا أستاذ معانا في عشاق السودان ..
ورمضان كريم ..،،
أولا : البطاقة الشخصية
تانيا : طه سليمان الفنان بداياته في سطور .،
ولي عودة تاني سمح الريد أذاني ...
"" تخريمة ""
حبيبنا أبو الطا - تسمح ندلعك - بالله دايرين أوتوغرافات خاصة بي موقعنا ..
وواحد خاص بي كده على جنب ممهور بي خطك الفنان

الشمشارة · 04-10-2006, 00:35

سلااااااااااااااااااام كميييييييييييية والله مشاقييييييييييييييييين

والا نشكرك يا مبدعنى العزيز [color="Red"]ريمكس [/CO

واااااااااااااااااا

اااااااااااااااااااااي طه ؟ الاستاذ طه

لحظات وبعدين اسالك انا ما مصدق الاستاذ طه معانا

يا مرحبا يا مرحبا نورك غطا على الكهربى

ابوسجود · 04-10-2006, 01:41

فى انتظارك ياطه سليمان

وحاتك بس منتظر طلتك عندى معاك موتمر صحفى اديل كده

اها دى القعدة ....والليلة ياطه احلك الحلا بله ...جاهز للامتحان ولا لا

بخرات مامعانا ...المراقبين جاهزين

مرحبا معشوق الشباب

وفى رجاك كملنا الصبر كله...ورمضانك كريم

وان شاء الله خفاف عليك

طائر الحزن · 04-10-2006, 16:59

الرائع طه سليمان لا لا لا دي طفرة خيالية منك يا ود يا ريمكس
حبيبنا وروحنا شرفتنا كتير في الحلة الجديدة وغنيت وكفيت يديك العافية يا سيد الطرب ......................
اها النسالك:-
** عايزة اعرف طه الانسان
** لو في طريقة كنت حاطلب اغنية ( حبيبة تعالي اليا) بس برضو ما بخليك عايزة كلماتها
** رايك شنو في الكوكبة دي :
فارس ارباب ؟
محمد عيسي؟
عبد العزيز القلع ؟
رفعت الـ 11؟

برجع ليك تاني ومعاي كمية من الاسئلة الزي دي استعد ساي يا طه ؟

جمانة · 04-10-2006, 17:17

طــــــــــه سليمان

كل سنة و انت طيب و رمضان كريم

وصراحة نوووووووورت الكرسي و اهلين بيك معانا في عشاق السودان

نبدا؟

اوكي...

اولا

اغانيك الخاصة ..... حدثنا عنها و كم عددهم؟؟؟

اكتر فنان تحب تغني ليهو ؟؟؟

اكتر فنان ...بتحب تستمع ليهو ؟؟؟؟؟

نتعمق اكتر ؟؟؟

طيب

هل انت مرتبط ..عاطفيا ... ( الدنيا رمضان و كضب مااااا معانا )

وما هي مواصفاتك لفتاة احلامك و شريكة حياتك ؟؟؟

باقة ورود لمن تهديها :

وردة حمراء :

وردة بنفسجية :

وردة فوشية :

بجيك راجعة اوكي ....

ود المتمة · 04-10-2006, 17:55

حقيقة يا سلطان الطرب ...
أمس انطربت في الحفلة حقتك .... في الريفيرا ...
.... دايرين اهداء منك أغنية لي عشاق السودان

أها يا طه .....
هل انضممت إلى اتحاد الفنانين ....؟ إذا كانت الإجابة بنعم أولا .... في نظرك هل تعتقد أن اتحاد الفنانين يقدم للفنان شيئا....
=============================
ما تنسى الأوتوفراف الخاص بي ؟..؟..؟.؟..
لازم يكون فيهو توقيعك ....

هل لك علاقة بالإنترنت ؟؟
ومتى كانت بداياتك فيه ؟؟؟
هل ستسجل في موقعنا..... ؟

مدينة تحب تزورها.... ؟ على المستويين الداخلي والخارجي... ؟
ما هو أكثر فنان تحب التعامل معه ؟؟؟

REMIX_2006 · 04-10-2006, 21:35

وانا كمان عندي كم سؤال كدا للفنان الكبير / طه سليمان

السؤال الأول :

رأيك الشخصي في الفن السوداني ( الحالي ) وماهو السبب في نظرك
في عدم انتشار الفن السوداني الى الدول الاخرى؟؟؟؟

السؤال الثاني :

هل ترى بصفتك فنان من فئه الشباب فرقا كبيرا بين طريقه تأديتكم للأغنيه السودانيه
وبين الفنانين الكبار ؟؟

السؤال الثالث :

لماذا يعمد كثير من فناني اليوم ان يبدأو مشوارهم الفني بالاغاني
القديمه وليس بأغانيهم الشخصيه الخاصه بهم؟؟

السؤال الرابع :

لما لا يقوم الفنانون السودانيون بإنتاج ( فيديو كليبات ) خاصه بهم تجسد اغانيهم وتزيد من شهرتها؟؟؟

السؤال الخامس :

حدثنا في اختصار عن مشاريعك الفنيه القادمه؟؟؟

ولي عوده انشاء الله

تحياتي

الأسد · 05-10-2006, 12:09

لتحيه لك المبدع طه سليمان
الشباب ما قصروا في الأسئله يعني كملت علي
بس حبيت أديك صوتي من الإعجاب بأدائك الرائع وحضورك المتألق في سماء الفن السوداني
قد أعود ..

زياد ذو النون · 05-10-2006, 13:00

بسم الله الرحمن الرحيم
والصلاه والسلام علي افضل خلق الله اجمعين رسولنا وحبيبنا محمد عليه أفضل الصلاه وأتم التسليم..

السؤال الأول:-

ما رأيك في الآيه الآتيه:

(( ومن الناس من يشتري لهو الحديث ليضل عن سبيل الله)) [لقمان 6 ]

السؤال الثاني:-

مارأيك في الحديث التالي:

(ليكونن من أمتي أقوام يستحلون الحر والحرير والخمر والمعازف… )

والسلام عليكم ورحمه الله تعالي وبركاته ..