حقاره

elfatihshowaa · 02-10-2006, 14:56

حقاره
عيونك حقاره
بتسوي...
العمله وتضارا
بتشاغل فينا
وتحرمنا...
وتنخفي
وتلبس نظاره
بتدسي عيونك
ليه منّا...
ما نحن عيونك
شعارا
ولو برضو
خفيتي ودسيتي
عينيك عن عينا
وانظارا....
تلقينا
بنلمح لي نورا
ما الشمس
بتسرق انوارا
والبدر.
بيخطف من لونا
وفي لونا
بتحمل اسرارا

محمد الامين عبدالرحيم · 02-10-2006, 15:19

ياخي والله دي ماحقارة بس

دي حقارات وشفتنا عديل كدا

بس ياخي انت خليك مبدع

كدا طوالي وقايتو

بتمنا يدوك ريق حلو

انت بتستاهل

__

امسك جيب ليك شوال وشيل الهديه دي

خاطرة كتبتها زمان لمن كنت في سنه اوله جامعه

فيها عيون وحاجات جميلة بس افتح الشوال دا كويس
___

إن البدر الذي ابكاني

يوضئ كا بدر زماني

سبحان من خلق البدور

منيرتاً سبحان من سواكي

ارنو إليكِ بنظرتاً فيطيب قلبي

وكل اسقامي

إنتِ التي سواكي الإله

كما اشتهي

عيناكِ ريم المهآ

اهدابها

تغزو القلوب

فتستهيم القلوب

القرب الحلال

__

تعرف برضو ما قربنا

السبب خليو في سرك

elfatihshowaa · 02-10-2006, 15:31

لك التحيه
اخوي ود الامين
.....................
وشكرا
للمجاملات
يا سيدي
...........

شايقية · 08-10-2006, 23:41

والله ما حقارة
لكن عيوني جد محتارا
مشتاقة ليك ودايراك تخوض في بحارا
وتبقى ليها درب ونور في مسارا
وشمعة حب ضواية لي كل أسرارا
وبتقول لي حقااارة!!!!

اخونا الجميل : elfatihshowaa

حروفك كما عهدتها تتألق بكل جمال وروعة .. فليك كل التحية ..
ودمت بألف خير ...