== ألم البعاد ==

شفاف · 27-09-2006, 03:01

ياسلام لو اقدر اكتب لى شعر
فيك يالجميله وسمحه ياست الفكر
مااظن انو القلم يقدر يحاول يفتكر
يكتب حروف فى وصفك الفاق الدرر
ماانت اصلك فى سماى مطراً غزيراً منهمر
ماانت اصلك فى جواى كل المعانى السمحه والخير والبِشر
ماانت ارضك لى سواحلاً فيها واطاتى البكر
ساقيها بحراً من حنان جواك ابدا مافتر
وثمارها يانعه جميله كل يوم تزدهر
سحرت عيونّا ولى قُلوُبنا بتحتكر

الاحباء عشاق السودان ........ اضافة ننتظر رأيكم فيها

محمد الامين عبدالرحيم · 27-09-2006, 13:31

يا سلام كلام زي العسل

بس عليك الله ياخي كدي حاول

ما تكتب شعر نشوف الكلام كيف

هو في اكتر من كدا شعر

الي المام يا شفاف

الحكيم · 28-09-2006, 15:40

مراحب ومرحبتين يا معلم الشعر يكون بصدق الكلمة ويكفيني جمال الصدق الذي زين كلماتك فكنت شاعر من الفطاحلة . وكل عام وأنت بخير
الحكيم

شايقية · 28-09-2006, 23:23

جمال حرفك طرب غناي
ونسمة عليلة جد جواي
وفال الخير البشوفو حداي
وكل كلمة عزف رائع تقول بس نااي ..

أخونا الجميل : شفاف
أبدعت .. أبدعت بتألق ..
أكتب طوالي .. منتظرين الجديد بشوق ..
ودمت بخير ..

شفاف · 29-09-2006, 05:57

الأحباء

الرائع ( ود الأمين )

الجميل ( الحكيم )

الحنينه ( شايقيتنا )

هكذا أنا كطائر صغير
يريد أن يطير
وهذه قصائدي أبثها في دوحكم
لعلني بقربكم أسير
أو لعلني بأُنسكم
أدوزن القصيد كالحرير
أو لعلني نهلت من بحوركم
وصرت في قصائدي جرير

لكم الحب اينما وكيفما اجتمعتم