معذب؟؟؟؟؟

rami · 21-09-2006, 21:36

لا سلام منك وما منك تحيه

للوراك خليته عايش في الأسية

ما حرام يا الفنجري ما تسيب وصيه

قمت زي طيرا غريب سافر عشيه

ما قبيل .. وصوني يا حليل الوصيه

كنت مكضب .. كنت ناسي

ودابي صدقت .. المفارق عينه قوية ..

السواقي النايحة طول الليل .. حنين الدنيا ممزوج في بكاها

زي طيورا في الفروع محتارة بتفتش جناها

والبيوت والناس بتـســأل عن صــبية

فارقت حلتنا زي طيرا غريب ســافر عشيه

ما قبيــل وصــوني يا حليل الوصيه

وكت مكضــب .. كنت ناسي .. دابو صدقت المفارق عينه قوية

أوعى ليل الغربع ينسيك ريحة الطين في جروفنا

والتميرات البهبن ديمة راقصات في جروفنا

والدعاش والغيم رزاز في العصير بالفرح بلل كتوفنا

ونحن راجعين في المغيرب ..للديار ما حد يشوفنا لا نشوفو لا يشوفنا

ما حرام ماضيك يصبح ليك أســيه

يا ســــلام لو كـــان جفـــاك بي حســـن نيــه

كنت نســـيتنا الوصـــيه

والمفـــارق عينــــــــــه قويــــــــــــــــــــه

ابومصعب · 21-09-2006, 21:57

رامي ليه كده بس
ذكرتنا أيام الشقاوة إنت الظاهر عليك مكسسسسسسسسسسسسسسسر

.
على العموم يا رامي يشرفني ويسعدني أن أكون أول من يرحب بيك في هذا المنتدى و أهلاً وسهلاً بيك عاشق جديد وحبابك عشره بس ننتظر منك كل جديد و مفيد
و لقداااااااام

شايقية · 22-09-2006, 15:03

لو استطاعت الحروف ان تغني .. لأطربتنا من جمال حرفك..
ولو كان النسمات تناجي الخاطر .. لأتحفتنا من روعة فنك ..

بالجد قصيدتك أكتر من راااائعة .. وحروفا تهز من الأعماق ..

فأهلا بيك أخونا (رامي).. وابقى داخل لي جوة ..
ومنتظرين منك كل ما مفيد وجميل ..
ودمت بخير ..