يا رائعه

elfatihshowaa · 21-09-2006, 16:26

...............
يا رائعه....آه
برتاح معاك
وكتين يطل
بدرك علي
يمحي الضلام الفي سمائ
ينسج ملامحك في رؤاي
يرسم عبير الدهشه
في عين الكلام
وكتين يكون كل الكلام
عينيك وبس
عينيك لؤلؤ من قبس
خديك ازهر من خريف
ايديك انعم ما يكون
يا داخله في الاعماق نفس
يا طالعه كيف؟
انا لما ردتك ما هويتك عن عبس
انا كنت متعمد هواك
لكن بس بي وين وكيف؟
وانا قلبي لي حبك درس
كل اللغات التعرفك
كل الحروف التوصفك
كلمات غرام
مخضره من قلبي الشفيف
توقيع فؤاد جواك غرس
معناي ومعني الكون بلاك
نيران اسي
تحرق حريق
ضلمه وغمام
وغموض غريق
في كوته من نبض الهموم
مدسوسه في جواي نزيف
يا لوحه في عينيّ بريق
يا نفحه من شيخ الطريق
يا سمحه بيك بتذكرك
ما انت لي قلبك رفيق
........................
بهواك بحبك جن وموت
بلقاك في كل البيوت
زي السلام!!!
منشرّه في كل الكلام
ما الروعه في زاتك براك
دونك براك ما بتبقي شئ
يا مادَّه حبل الشوق هيام
مدسوسه من عيني عليك
مغروسه في نبض الشعر
مدروسه من زمن الصغر
في كل نشيد
في كل قصيد
في كل درر
في حتى في الاشراق هناك
طلعة شمس
طلة قمر
جية خريف
شالت سحاباتك مطر
نزلت علي قلبي اخضرار
ملت الجروف
واستحوذت كل المسام
يا شاهقه في الانفاس عطر
يا جيبه حسنك وروعتك
من الغمام
موج البحر
برتاحى معاك
بلقاك وئام
ملينه بالتيه والفرح
يا كاحله عيني بالفرح
يا راحله في جواي فرح
عشتك حروف
مبتله من نيل الكلام
ردتك ظروف
ترسم ملامحك يا سلااام
انا ياسلام
من روعتك
وان يا سلام
من ضحكتك
وان يا سلام
من نظرتك
وان يا سلام
من خطوتكو
انا يا سلام
من كل شيتا فيك سمح
كلك علي بعضك سماح
منسابه في الافاق عيون
يا داسه ليلك بالوشاح
ومستفه الارواح شجون
وشك صباح
حبك مباح
يا رائعه.... آه
يا زوله آآآآه
لو تنفع الآهات جراح
بهواك لي حد المنون

علي الحسين · 21-09-2006, 16:41

شكرا يار ائئعة ويامدهشة ادهشتينا بالشعر ادهشتنا بالادب وعراقة الشعر

ياروعة النيل البهادي

مشكورة مشكوريييييييييييييييين

elfatihshowaa · 21-09-2006, 16:42

انا أسف
انا ولد

شايقية · 22-09-2006, 17:15

أخونا والقادم إلينا كالضياء المنير بقوة : elfatihshowaa

حروفك فن راقي
وكلماتك حلم باقي
وهمساتك نغم شادي

فليك كل التحايا .. وانت تسحرنا بإستمرار وبتميز ..
ودمت بخير ..

محمد الامين عبدالرحيم · 22-09-2006, 18:18

يارائعه

يا صابره

ياصابره

كوني نجمه
كوني نسمه
تهب بالخير علينا
تبرد الحر السموم
وتبقا لينا
ولي وطن

الفاتح
ياسلام كما احببتك
هكذا من دون تملغ
انت جميل

سنلتقي يوماً
ليكون النشيد
لنا ملتقاء