كيف نقدر نودعك ياعاشق هنا مع السلامه وتمشي وتجي بالسلامه

nahid · 04-09-2006, 17:10

ستفقد البلاد شاب من شبابها البارين انه اخونا عاشق هنا سيسافر يوم الاربعاء الي اديس ابابا ومنه الي كندا للدراسه .
فقد عظيم والله نتمني رجوعك لينا الي بلدك البحبك وبتحبو في اسرع وقت وربنا يوفقك يارب فعلا انت انسان بهامه الوطن ووطن بهامه انسان .
حقيقي احزنني سفرك بقدر ماعرفتك انسان طيب وخلوق رغم الشقاوه التي تظهر عليها لكن دواخلك تسع الكل .
سيفتقدك كل احبابك وصحابك كنت لدينا نعم الصديق وسوف تظل ياريت لما تسافر ماتنسانا لاننا ماحننساك ودوما حتكون في وجدانا اخ بعبق البلد , انسان سوداني حنين .
ستترك فينا حيزنا داخل دواخلنا لم يملؤه احد غيرك
ويرجعك لينا سالم غانم منتصر بأذن الله .

عوض مجذوب عبدالماجد · 04-09-2006, 18:05

اخي عاشق هناء ...

تمنياتي لك بالتوفيق فيما انت ذاهب اليه وان شاء الله نسمع عنك كل خير

الاخت ناهد ....

جميل احساسك ولكنها تصاريف الحياة فلندعو بالتوفيق للجميع .

ابو اسراء · 04-09-2006, 19:46

الاخ: عاشق هناء
بالتوفيق وربنا يديك قدر نيتك ياجميل
وترجع للسودان العزيز وتكون محقق احلامك
بالتوفيق...وابقى واصل

الاخت / ناهد
جزاك الله كل خير ..بس يا ناهد الزول دة ما كبر على الدراسة
وهناء حتنتظرو لحد ما يرجع من البلد البعيدة دى

توتا · 04-09-2006, 21:42

العارفاه ما كدي
خليني بكره ماشة ليه برجولي اودعه واسمع منه الحكاية

**AyMaN** · 04-09-2006, 21:47

يا حليلو

كان طيب كان حنين ,,

قلت لي ماشي اديس ؟؟؟

وبعد كدا كندا ؟؟

ربنا يرجعك لينا بالسلامة ويطمنا عليك يا حبيب ..

ما قلت لي

عايز تقرا شنو ؟؟

توتا · 04-09-2006, 21:58

اقتباس:

المشاركة الأصلية كتبت بواسطة AyMaN

يا حليلو

كان طيب كان حنين ,,

صحي مسافر ؟؟؟؟؟؟؟؟؟

**AyMaN** · 04-09-2006, 22:03

ورونا هاسل يا شباب

الزول دا مسافر بالجد ولا كذبة سبتمبر ؟؟

توتا · 04-09-2006, 22:10

انا عارفاه ماشي اديس
كندا دي ما هسي
لكن يمكن جدت أمور
هو وينو ؟؟؟؟؟؟؟

شايقية · 04-09-2006, 22:18

توتا .. والله حيرتونا
الزول دا مسافر .. ولا لأ ..
(عاشق هنا).. أوعك تسااافر من غير ما تقول لينا .. عشان نودعك ..
وانشاء الله ما آخر وداع ..

قشاش الدموع · 05-09-2006, 00:52

يا عاشق هناء
صحي الكلام دا
والله لو صحي ياخي نتمنى ليك التوفيق
ولو ما صحي برضو بنتمنى ليك التوفيق

وتحياتنا ليك يا غالي