الى اللقاء يا اجمل اصدقاء لأجمل منتدى

شوشو العسل · 03-09-2006, 20:59

السلام عليكم يا شباب
والله قضيت معاكم الفترة الفاتتة ايام جميلة ما حأنساها ابدا وانشاء الله انتو كمان ما حتنسوها

المهم المدرسة بكرة بتفتح وانا السنة دي ممتحنة عشان كده مافي طريقة اخش النت تاني <<طبعا ده على حسب كلام الوالدة لكن انشاء الله حأزوغ لي يوم يومين كده لكن ما متأكدة

انشاء الله ارجع والقاكم تامين وكويسين وبألف خير وصحة
وانشاء الله مشاكل توتا وعاشق تنتهي <<امنية شبه مستحيلة

واحب اقدم شكري الخاص الى

الشمار حرقكم صح

استنو شوية وبتعرفو

والله ولأ لأي زول انتو كلكم عندي اخواني واصحابي

انشاء الله ارجع والقى مكاني بينكم
ودمتم في رعاية الله وحفظه
اختكم شوشو

اهئ اهئ خلاص مع السلامة قربت ابكي

اي صحي قربت انسى
يا عاشقة خلي بالك من حزبنا ما أوصيك
عاشق لو الصخرة حاول يهد الحزب بتاعنا عارف حتعمل شنو ما أوصيك
اها الى اللقاء

TEEMA · 03-09-2006, 22:43

من السهل انا تشتاق لمن تحب.... ولكن من الصعب ان تجده كلما اشتقت اليه

تمنياتي لك بالتوفيق والنجاح الباهر...والله كنتي أكثر من أخت وصديقه...وماتحرمينا من طلتك..

وصراحة أعجز عن التعبير....

توتا · 03-09-2006, 22:51

جيت ناوية اشاكلك واقول ماشة وين
لكن لما لقيت المدرسة وقفت
امشي سااااي الحبة ما بتجيك
وكلنا حاضر تمام لأوامر الوالدة
لكن بعد الاذن الكبير ده
وبعد فقدناك كدي لما فقدناك
ما اسمع اسمك في العشرة الأوائل
ما تديني وشك شفتي ليك زول هني نص نص كلهم هااااي خليك زيهم
بالتوفيق يا شوشو ومن هسي حتوحشينا

REMIX_2006 · 03-09-2006, 22:58

والله خبر محزن جدا اننا نفقد عضوه نشيطه زيك
ياشوشو....
حاولي تدخلي من وقت للتاني
واذا ابوكي دق جرس احنا بنتصرف بنقول ليهو بنذاكر ليها
عبر النت.....
خخخخخخخخخ
على العموم بالتوفيق انشاء الله في امتحان الشهاده
وانشاء الله من المتفوقين

قشاش الدموع · 03-09-2006, 23:16

الى اللقاء قريبا انشاء الله يا عسلنا
وشدي حيلك في الدراسه
وربنا يوفقك ودعوات ناس المنتدى كلهم معاك

شايقية · 04-09-2006, 00:30

شوشو يا عسل
ما ممكن .. تعودينا عليك .. وبعدين تمشي تخلينا كدا ..

شوشو يا فرح مرسوم جوانا
ويا رزاز بينزل في سمانا
ويا حلم مشرق في منتدانا

شوشو ربنا يوفقك انشاء الله .. شدي حيلك .. عشان ترفعي راسنا فوق ..
ولو لقيتي ليك زوغة .. تعالي سلمي علينا ..
وبالجد حتفرقي معانا شديييد .. ومكانتك محفوظة ...
يلا يا عسل .. خلي بالك من نفسك .. وطمنينا عليك من فترة لي فترة ..

حكيم زمانوا · 04-09-2006, 00:46

ِشوشو العسل احدي العضوات المتميزات
وكانت فعالة بمشاركاتها الجميلة والشيقة

وانا والله بي صراحة بعرف شوشو كلقب في المنتدي ولكن رغم لم يكن لي معها احتكاك ولكن الاسم لامع

تحياتي
ومادام حتغيبي عشان القراية ما مشكلة لانو في الاول والاخير دي حاجة مهمة

ولكن حاولي تديني وعد انك تخشي مرة مرة

دار جعل · 04-09-2006, 08:49

الاخت/ شوشو العسل

عذرك مقبول... وتمنياتنا ليك بالتوفيق

محمد الامين عبدالرحيم · 04-09-2006, 10:36

ان شاء الله ما اخر لقاء
تمشي وتجي بكل التفوق والتقدم
ونحن ندعو لكي الله بي النجاح ودوام الصحه

عوض مجذوب عبدالماجد · 04-09-2006, 11:36

شوشو العسل

كل المنى لك بالتوفيق والسداد .... سننتظر نجاحك الباهر

شدي حيلك وفي امان الله .