..كــــــــان يوما لاينسى..
فرغت من آداء العمرة.. كان الجو ماطــرا..وقطرات الرذاذ تتساقط..وكأنهالآلئ.
وحمام الحرم يحلق في الأرجــــاء..ليشدو بألحان لاتضاهيها ..ألحـــــان..
أجواء روحانية..تجعلك تبكي..وتبكـــي دون توقف..وكان لابد من تذكر الأحبة..وكنت أولهم..
فنسجت لكي..هذه القصيدة..متمنية أن تصل إلى القلب كما خرجت..من القلب..
.................................................. .................................................. ..............................
الليلـــة..ياكل الحروف..
الليلة ياكل المعاني الساكنة في دنيا الحنان..
أدينا من نبضك شجن..
وأهدينا ..من سحرك وســـن..
أنا شن أقــــول؟؟
حتى الجمل مابية المثول..خجلانة بس تحضن سطر..قاصد الكلام لي ..حضرتك.
حتى الحبر..
رفض النزول..خايف يكونليو حروف..ممكن تقابل نظرتك..
شايقيـــــة..ياشامة فخر..في كل جبين..ليك انتمى...وشاف روعتك..!!
(طيبتك)وسام..لو ألبسو النور يشع ويصل الأفق..........
(خلقك)جنان..وارفة ظلال عقدا مفصل بالدرر.......
(قدرك)سما ..فوق السماء وفاق النجوم ..رفعة وألـــق........
شايقية..أديتي الحروف روعة وجمال..نور وانبثــــق..
شايقيـــة..يالنغم الحزين..
شايقيــة..يانبضي الحنين.. ..
لوقلت فيك ..كل الـــــــــــــــكلام...
لوصغت ليك كل البيان..وقطرت ليك شهد المحنة..وأديتو من وهجك..كيـــــــان..
ما بوفي ليك..أبدا
محــــــــال.....
حتى المدح..ذماك كتيـــــر..
لأنو فيك..بلقاو بينقص ما بيزيـــــد..
شايقية..ياطيف النجود..
بهديك ورود..
فواحة..بي عطر الشذى.....
فياضة..بي شوق اللقا..
تتخطى ليك كل المدى....وتهز ليك وتر العهود..
أن نبقى أخوات للأبـــد..
ونملا ..بالروعــة ..الوجــــــــــــــــــــــــود.
.................................................. ................................
..تخريمة/
أنا لي هسه ماعارفة...كتبتها.كيف؟ووين؟
بس عارفة..كتبتها..ليـــــه.. ..
طبعا..يابت..أنسي الجمل الداخلة في بعض..
واللخبطـــة..والتوازن المعدوم..
....لأني..آآخر من يكتب(بالعامية)..
*(إلى غاليتي..شايقية..لك حبي)*
مشاركة: *(إلى غاليتي..شايقية..لك حبي)*
