راؤيه

محمد الامين عبدالرحيم · 02-09-2006, 13:56

في لحظة سكون ...
سرح فيني الخيال...
بسأل مداخلكِ .. كيف تكون ..
بسأل مخارجكِ .. كيف تكون ..
وانا ...
وراء ريق العشم ساحب خوطاي ...
شايل معاي صبر الغلابه ...
لي عيون مليانيِ الِفه...
مسكونه في الاخر .. حُجه..
مسكونه في الاخر .. غُنه..
مسكونه في الاخر .. محنه..

يا راؤيه.. يا راؤيه...

في زمن الكتابه..
كل السطور ..
كل القوافي ..
اديتها لون شال الاماني.. تتلفحو ...

زينه لي كل الشوارع..
وبين ضجيج كل الشوارع..

الصوتو راح في زمن المهابه ...

بنادي ..
بنادي عليك ...
يا صابره .. يا صبره ..
كوني نجمه ...
و ابقي بسمه ...
زي نفس ريحة الدُعاش..
تبرد الحر السموم ...
وتبقي لينا .. وتبقي لينا..
وتبقي ليا .. وتبقي ليا ..
وليا .. ليا..
وطن .. وطن

رايكم شنو
دي كانت البدايه

الحكيم · 04-09-2006, 08:35

يا روح الشعر الجياشه , وأماني الحب الصادق أعطنى مما وهبك الله .

(الحكيم)

محمد الامين عبدالرحيم · 04-09-2006, 10:50

الذي اعطني اعطاك والمعطاء هو هذا العشق المترامي الاطراف في الخرايط وفي الدواخل

مشكور اخوي (الحكيم) علي هذا الاطراء الذي يخجل تواضعي فانا لا املك ناصية الكلمه

Mr_Left · 06-09-2006, 01:05

هي كبداية جميلة خالص لكين بالنسبة لي مستواك الحالي ضعيفة شوية من ناحية التراكيب وتكرار المفردات لكن فكرتها تدل على موهبة شاعر فطرية تجلت لنا خطوطها الآن بوضوح في نصوصك الاخيرة

ولك الود

عاشق شقاك · 06-09-2006, 05:09

إليك التهنئه على ميلادك
حين ابتدئت والموهبه والرغبه والأحاسيس في عراك محتدم
كلٌ يريد أن يفيض بما لديه أولاً
فهي البدايه
وهي الأوعيه التي تنضح بما بها من تصاوير الخيال الناتج عن الواقع

محمد الامين عبدالرحيم · 06-09-2006, 11:14

اقتباس:

المشاركة الأصلية كتبت بواسطة Mr_Left

هي كبداية جميلة خالص لكين بالنسبة لي مستواك الحالي ضعيفة شوية من ناحية التراكيب وتكرار المفردات لكن فكرتها تدل على موهبة شاعر فطرية تجلت لنا خطوطها الآن بوضوح في نصوصك الاخيرة

ولك الود

مشكور اخوي مستر ليفت علي المرور وتوجيه المشوره لي
وعندما اكتب لا احوال ان اتصنع المشاعر فهي التي تكتبني
حبراً علي ورق

وانشاء الله القادم احلي
بس يدك معانا
ودمت

شايقية · 08-09-2006, 02:40

أخوي: ود الأمين
رايي المتواضع جدااا

أديني من فرحك غنا
وخلي شعرك لي سنا

وما تحرمنا من كتاباتك أبدا ..

ودمت بخير ..