عمران عامر عامل (عمره)...!!!!

**معتز زيزي** · 30-08-2006, 21:10

حبيبنا عمران عامر ......

تحرك بعد صلاة المغرب من (المدينة المنورة) متجهاً إلى (مكه المكرمه) لاداء مناسك العمره
عمره مباركه يا صديقي

تخريمة- همس لي صديقي (عمران) في أذني قائلاً:- العمره دي عشان ندعو ربنا يجمعنا ببنت حلال تملأ علينا البيت وتخفف عنا هم الغربه علنا نحافظ على باقي الشعيرات اللي في الرأس ديل... لوووووووووووووووووووووووووووووول

عوض مجذوب عبدالماجد · 30-08-2006, 21:17

عُمرة وعرس .... بختك
طبعاً نفس الهدف من العمرة ذكره لي عمران وقال تعب من العزوبية وماشي بيت الله يدعو ان شاء الله يلم ليه في طرف طرحة بس وسبحان الله كل شئ مقسوم وربنا استجاب لنيته من نص الطريق ففي خط سير رحلتهم نزلوا امس بالليل عند واحدين قرايبهم في منطقة القصيم وقوم يا عمران تعجبك بت الناس قام كلم خاله المعاه واتفقوا لما يرجعوا الرياض يكلموا ابوه من السودان عشان يكلمهم رسمي وبكدة تكون الحمد لله اتفكت عقدته هو وباقي لينا زيزي حقو تعمل فيها ماشي عمرة بس ياربي عندك اهل في القصيم

الف الف مبروك اخي عمران انه شركك قبض وربنا يتمم على الف خير ان شاء الله

وتقبل الله العمرة وسهل بها امرك

TEEMA · 30-08-2006, 21:29

ربنا يتقبل منه,ويديه الفي مرادو..وعليك الله يازيزي تقول ليه ماتنسانا من الدعوات..

**معتز زيزي** · 30-08-2006, 21:32

اقتباس:

وعليك الله يازيزي تقول ليه ماتنسانا من الدعوات..

لحظك الحلو أنا الأن كنت بتكلم معاهو في التلفون ووصلت ليهو الوصية

قشاش الدموع · 30-08-2006, 21:33

العزيز عمران انشاءالله ربنا يتقبل منك العمره
وانشاءالله كمان يتمم ليك على خير ومبروك مقدم

لكن ياخوي القصيم دي مااخر الوطا يعني لو عملت ليك مشروع خطوبه والله جيبك ينقد بدرب النقل الجماعي كل يوم خميس وجمعه عمران وين عمران في القصيم
عموما ربنا يتمم علي خير والقريشات تهون فدى العروس
والشكر موصول لي ناس زيزي العزابه ونقول ليهم انشاءالله عقبالكم

شوشو العسل · 30-08-2006, 23:49

ربنا يتقبل وعقالبنا
عليك الله يا زيزي وصيهو يدعي لي انجح السنة دي واجيب مجموع كبير

توتا · 30-08-2006, 23:56

حتى في العمرة فتيتو ؟؟؟؟؟؟
الله يدينا خيركم وبس

ربنا يتقبل منك إن شاء الله ويتمم ليك

انت مرقت غايتو
لكن عوض وزيزي ديل الا ينوووووووووووو حج عديييييل كده
خخخخخخخخخخخخخخخخخ

**رغــَــد** · 31-08-2006, 03:22

أخي عمران/ ربنا يتقبل عمرتك ودعاءك

وعقبالك يا معتز وعقبال الجميع

ابو اسراء · 31-08-2006, 15:21

الحاج/عمران عامر
مبرووك الف مبروك العمرة وان شاء الله مقبولة
وعقبال الحج والحجة

تهانينا

تراب بلدي · 31-08-2006, 17:15

انا اقول ليه المنتدي حزين

زيارة المدينة وقبر الرسول صلى الله عليه وسلم (ما شاءالله)

الحاج عمران

عمرة مباركة ومقبولة وتقبل الله دعواتك

بس ما تكون نسيتنا من الدعوات