( ريمكس )... الزواج العرفي من اكبر المصائب التي حلت علينا كمسلمين - الصفحة 3

REMIX_2006 · 26-08-2006, 19:22

فدوى الحلوه :

اقتباس:

هلا ريميكس

أزيك ؟

عامل كيف؟؟؟؟

أخبارك ؟؟؟

اهلين فدوى الحلوه اخبارك شنو والله انا تمام التمام انتي الحاصل معاك شنو وكيف الدراسه معاك؟؟؟

اقتباس:

كيف الحال ؟ كيف العيال؟ إنشاء الله في أحسن حال..............

والله العيال كرهوني العيشه (شياطين ) خاااااااااااااالص وكل مره يجو ينطو لي فوق راسي
ويضربوني ويقولو ( انت شين يا ابو اسراء ) اقوم اقول ليهم انا ما ابو اسراء انا بابا يقومو يقولو
لالالالا انت ابو اسراء ويقعدو ينططو فوقي غايتو ما عارف من الدخل الفكره دي في راسهم وغير كدا حتى ام العيال عامله لي مشاكل كل يوم في واحد كدا حاقد قال ليها راجلك بحب وحده غير في المنتدى وعشان كدا كل يوم داقه لينا جرس في المنتدى.....
( اخ بس لو اعرف منو اللي فتني دا )

اقتباس:

طيب يلا خليني برضو أخت ليك حبتين أسئلة و أمشي

خلاص امشي وتعالي تاني اوعا تزوغي

اقتباس:

واحد: أديني إسمك بالكامل مرة تانية بس المرة دي خليها لغاية إسم العائلة الكبير (مع إني عارفاهو) بس أشوف لو إنت عارفو كمان......

اسمي : محمد عبدالكريم نصر محمد نور ( دا اخر حاجه حافظها ولو بتعرفي جدي العاشر قوليهو لي )

اقتباس:

إتنين: هسي إنت قبلوك وين؟؟؟؟؟؟؟؟؟؟؟؟؟و إذا ما قبلوك حتقدم وين تاني؟؟؟؟؟

والله ناس القبول العام ( فقعوني زووووووومبه ) وقالو لي انجلع للقبول الخاص احنا ما قبلناك
وحاليا مفكر ادخل جامعه الجزيره او النيلين ( صيدله ) انتي رايك ياتو احسن؟؟؟

اقتباس:

تلاتة : مين أقاربك من ناس المنتدى إنت بتعرفهم بحيث إنك إنت اللي دعيتهم ليه ؟؟؟؟؟

فدوى الحلوه و مورتال كاسح

اقتباس:

أربعة: ما لون عينك؟؟؟؟

نفس لون الليل....

اقتباس:

خمسة لون شعرك؟؟؟؟ و بتوصفو كيف؟؟؟؟؟؟؟؟؟

نفس لون عيوني وبوصفو بالكلام ( حأوصفو بخريطه يعني؟؟؟ )

اقتباس:

أدينا إيميلك ... و إذا عندك إيميل غير البتستخدمو ... برضو أدينا

ايميلي : REMIX_2006@hotmail.com
وماعندي غيرو

اقتباس:

سبعة : هل سبق إنك حصلت على وظيفة؟؟؟؟؟؟

نعم ، حصلت على وظيفه في السعوديه في الشركه التي يعمل بها ابي ومعتز زيزي ( شركه هادكو )

اقتباس:

تمنية: بيتك نوعو شنو؟؟؟؟؟؟؟

من حديد

اقتباس:

دزعة : هل لديك عضوية تانية في المنتدى....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حلوه دزعه دي ، لا ليس لدي عضويه اخرى ( مالك دايره تجنني الاداره علينا )

اقتباس:

عشرة : إنت كام مصروفك ؟؟؟؟ إذا عندك....

مافي داعي لزكر ارقام ولكن انا مفلس دائما وكل ذلك بسبب المنتدى ( يعني عايزين رواتب )

اقتباس:

حداشر : أسئلة حلوة موش؟؟؟؟؟؟؟؟؟؟؟

مادام جايه منك اكيد حلوه يا عسل (مش زي ناس كدا )
بتعاين في شنو؟؟؟ اي الكلام ليك يالمنطط عينيك

**رغــَــد** · 26-08-2006, 20:00

ريميكسوني يا عسسسسسسل

اخوي الصغنن

اول شئ ربنا يوفقك ان شاء الله في الجامعة وترسى على البر البتتمناه...
ثانيا.... مشتاقيييييييين والله...

يلا نخش في الأســــــــئلة

- السؤال التقليدي - علاقتك شنو بالمطبخ والطبيخ.. والمحاولات وكدة

- اقرب انسان ليك هو ......
- اول شئ بشدك للناس شنو .....
- زول بتتذكرو بتبتسم......
- زول بتتذكرو بتزهج.....
- زول ما بتنساهو ولا بغيب عن بالك .....

- لو ادوك محل فاضي ورأس مال ... تفتح شنو ؟؟؟

- لو ذاكرتك قوية... جاوب لي طوااااااالي وبدون ما ترجع للموضوع
AyMaN خاتي في توقيعه كلمات ياتو اغنية!!! وبسرعة لأنه بيغيرو كل ثانيتين

يلا خلاص كدة دي الرمية.....

ارجع ليك والا .................؟؟!!

**معتز زيزي** · 26-08-2006, 20:28

اقتباس:

بتعاين في شنو؟؟؟ اي الكلام ليك يالمنطط عينيك

أنا .....؟؟؟ أنت بتتكلم معاي أنا ....؟؟؟ هو في غيرك منطط عيونه يا زيزي...!!!

حبيبي وصديقي ريميكس
صدقني مشتاااااااااااق ليك كتير
مستني ترجع تعود .... ولا أقول أحسن أجيكم أنا ...

السؤال الأول.. صف لنا أرتفاعات مناسيب النيل الآن ... وما الوضع هناك ...؟؟؟
السؤال الثاني.... كيف وجدت عشاق السودان الذين التقيت بهم ..؟؟؟ هل كما كنت تتخيلهم بالضبط ...؟؟؟ وما هي الشخصية التي لفتت نظرك عبر أرض الواقع...؟؟؟
السؤال الثالث... ما العلاقة بين ريميكس و (الجبس)

و (البيبسي) و (البرياني)...؟؟؟
السؤال الرابع .... ما هو أول شي لفت نظرك عند نزلت من الطائرة بمطار الخرطوم...؟؟
السؤال الخامس ... لماذا لم تشارك مع منتخب الناشئين بالدورة التي أقيمت في الخرطوم...؟؟
السؤال السادس... بعدين

REMIX_2006 · 26-08-2006, 20:42

اووووووووووووووووووو

دا شنو الجماعه بي جاي كاتبين اسأله وانا دايش بهناك....

معليش ياشباب عشان فلست برجع ليكم بكرا ارد على اسألتكم

زيزي - رغد

انتظروني

REMIX_2006 · 26-08-2006, 23:21

د. رغوووووووووووووووده :

اقتباس:

ريميكسوني يا عسسسسسسل

هسي عليك الله العسل فينا منو انا ولا انتي؟؟؟

اقتباس:

اول شئ ربنا يوفقك ان شاء الله في الجامعة وترسى على البر البتتمناه...

آآآآآآآآآآآآآآآآآآآآآآآآآآمين يارب من بئك لباب السما ( على قولة ست النفر )

اقتباس:

يلا نخش في الأســــــــئلة

يلا بينا يلا....

اقتباس:

السؤال التقليدي - علاقتك شنو بالمطبخ والطبيخ.. والمحاولات وكدة

والله ياستي علاقتي مع المطبخ زي علاقتي مع نانسي عجرم يعني مافي رابط بيجمعنا سوا
الا لما اكون جاعان بمشي المطبخ وبقول يا جماعه انا جاااااااااعااااااااااااان

اقتباس:

- اقرب انسان ليك هو ......

صديق عمري ( كلاسيك )

اقتباس:

- اول شئ بشدك للناس شنو .....

طريقة تعاملهم

اقتباس:

- زول بتتذكرو بتبتسم......

معتز زيزي

اقتباس:

زول بتتذكرو بتزهج.....

مدير مدرستنا ( الله لا كسبو )

اقتباس:

- زول ما بتنساهو ولا بغيب عن بالك .....

برضو صديقي كلاسيك

اقتباس:

- لو ادوك محل فاضي ورأس مال ... تفتح شنو ؟؟؟

والله انا عندي نظريه في الحاجه دي واللي هي ان الناس مستحيل تبطل اكل
يعني الناس اللي زي ولي كدا رافعين اقتصاد البلد بالاكل ..... يعني لو عندي راس مال اكيد حأفتح مطعم معتبر او حأفتح محل انترنت لأنو في ناس مجانين نت زيي كدا ....

اقتباس:

لو ذاكرتك قوية... جاوب لي طوااااااالي وبدون ما ترجع للموضوع
AyMaN خاتي في توقيعه كلمات ياتو اغنية!!! وبسرعة لأنه بيغيرو كل ثانيتين

انا بتذكر انو قبل سنه كان خاتي كلمات اغنيه ( كلك حلو ) قصدك عليها ؟؟؟

اقتباس:

ارجع ليك والا .................؟؟!!

كيف ماترجعي؟؟؟؟
حرررررررررررم ترجعي
علي بالطـــ.....
ماتخلينا نطلق ساي ......انتي لو مارجعتي انا زاتو البقعدني في الكرسي شنو؟؟؟

REMIX_2006 · 26-08-2006, 23:58

زيزي يا عزيزي :

اقتباس:

أنا .....؟؟؟ أنت بتتكلم معاي أنا ....؟؟؟ هو في غيرك منطط عيونه يا زيزي...!!!

دا مالو دا ياجماعه؟؟؟
انت عندك انفصام في الكروموسوم الخامس ولا شنو؟؟؟
منو الجاب سيرتك؟؟؟
غايتو ناس شليقه بشكل !!!!

اقتباس:

صدقني مشتاااااااااااق ليك كتير
مستني ترجع تعود

واسعد انا انا بلقاء تااااااااااااااااااني

اقتباس:

ولا أقول أحسن أجيكم أنا ...

فكره برضو عشان تجي ونشوف ليك عروسه بايره كدا ( الكلام ليكي يالمنططه عينيكي )

اقتباس:

السؤال الأول.. صف لنا أرتفاعات مناسيب النيل الآن ... وما الوضع هناك ...؟؟؟

يامعلم انت شغال في النشره الجويه ولا شنو؟؟؟
النيل هناك ملخبط الدنيا كلها ....فيضانات شديده.......وجوطه شديده

اقتباس:

السؤال الثاني.... كيف وجدت عشاق السودان الذين التقيت بهم ..؟؟؟

والله تمام التمام الواحد فيهم كان ادى الحيطه بنيه تقع

اقتباس:

هل كما كنت تتخيلهم بالضبط ...؟

لا.....طلعو احسن مما اتخيلتهم بكتير

اقتباس:

وما هي الشخصية التي لفتت نظرك عبر أرض الواقع...؟؟؟

شخصيه المشرف العام ( حماده )

اقتباس:

السؤال الثالث... ما العلاقة بين ريميكس و (الجبس) و (البيبسي) و (البرياني)...؟؟؟

انو معتز مختار لما يعمل شبس او برياني بتلقاني اول زول قاعد في الصفره
طبعا ماعشان (اكل) ولكن عشان ( انظف ) الصفره.....ولا شنو يازيزي؟؟؟

اقتباس:

السؤال الرابع .... ما هو أول شي لفت نظرك عند نزلت من الطائرة بمطار الخرطوم...؟؟

السخانه والوشوش الصاره

اقتباس:

السؤال الخامس ... لماذا لم تشارك مع منتخب الناشئين بالدورة التي أقيمت في الخرطوم...؟؟

يامعلم القصه كالأتي :

كان المفروض اني اسافر مع الفريق للسودان ( على حسابهم ) لكن لظروف طارئه اضطريت اني اسافر مع اهلي ( قبل الفريق ) بـ3 يوم تقريبا.....وقبل ما اسافر قال لي الكوتش المسؤول مننا /عادل اشيقر : اول مايصل الفريق السودان حيتصل عليك المنسق بتاع الفريق اللي هو
( احمد حامد ) (وطبعا الزول دا معروف في الرياض لأنو كان مسؤول التقديم بالسفاره في الرياض)
قال لي احمد حامد حيتصل عليك انت وولي اول ماتصلو هناك ويخلص ليكم اجراءات الخدمه الوطنيه ويطلعكم منها عشان تدخلو معسكر الكوره......قلنا ماشي.....وسافرت مع اهلي......
وفي اليوم التاني بدأت في اجراءات الخدمه الوطنيه فخفت اني اخد (أ) وادخل معسكر الخدمه الالزاميه وتضيع مني فرصه المشاركه في الفريق ....فأتصلت على احمد حامد في السعوديه
( لأنه كان لسه ماسافر هو والفريق ) وكلمته بالحاصل...... فقال لي انت خش الاجراءات عادي وحتى لو اخدت ( أ ) احنا بنطلقك...... قلنا كويس جدا......ومشيت ليوم التاني للمعاينه الطبيه.....وقدرت بحمد الله اني اطلع ( ج ) من دون مساعده احد......
بعد 3 ايام علمت ان الفريق قد وصل الي السودان بعد اليوم اللي قضيته في اجراءات الخدمه الوطنيه ومع ذلك لم يتصل بي او بـ(ولي) احد....قلنا امكن يكونوا انشغالو.....قمت اتصلت عليه
قام قال لي : انتو وين ياخي لازم تجونا لأن المعسكر باقي ليهو 3 ايام.....فلما سألته عن السبب اللي منعو انو يتصل بينا ( زي ماقالو ) رد بكل مساااااااااااااخه :
(هنا انت اللي تتصل مش احنا ) ......قلنا امكن رد بالطريقه دي عشان ضغط العمل وكدا....فقلت ليه بجيكم بعد يوم قام قال لي كويس......
وفي اليوم المفروض اني امشي ليهم كان عندنا ( عزاء ) فلم استطع الذهاب وفي اليوم اللي بعده ذهبت الى ( ولي ) في منزله لكي اصطحبه معي ونذهب الي المعسكر فقال لي :
خلينا نتصل عليه اول .....قلنا ماشي......اتصلنا واول مارد قال :
انت وين ليه ماجيته.....قلت ليه : كانت عندي ظروف ......
قال: (((((خلاص خليك في ظروفك وماتجينا)))))
واول ماقال الجمله دي ولي كان عايز يخطف مني الموبايل ويتشاكل معاهو لكن انا هديتو وكملت معاه المكالمه بأسلوب لبق وقفلت السكه......وقررنا اننا مانمشي المعسكر عشان مساخته....
وبعد ما انتهت الدوره بتاعتنا اتصل على ( عادل اشيقر ) وطلب مني اني امشي المعسكر فلما حكيت ليهو الحاصل اتأسف لي واداني رقم كوتش محترم كدا وذو خلق اسمو كوتش (نجيب)
قال لي اتصل عليه......فعلا اتصلت عليه وقال لي :
وين انت ليه ماجيت كنا محتاجينك في الدوره....كمان حكيت ليهو القصه.....واعتذر لي واتفقنا اني امشي ليهم المعسكر....فعلا مشيت المعسكر ولعبت معاهم مباراه ضد فريق ( النجمه ) بمنطقه الختميه.......وهذه هي كل الحكايه من ( طق طق ) الى ( سلام عليكم )....

اقتباس:

السؤال السادس... بعدين

اوكي

**طارق** · 27-08-2006, 13:22

ريميكس شد حيلك والجماعه بزرزروا فيك كده ....
انا جاي اشد من ازرك ... واشجعك ... جاوب بلا هواده ...
وما يهمك ابدا ... والبديك بالملعقه .. اديهو بالحله ...

تحيه .....

REMIX_2006 · 27-08-2006, 15:38

اقتباس:

المشاركة الأصلية كتبت بواسطة عابر سبيل

ريميكس شد حيلك والجماعه بزرزروا فيك كده ....
انا جاي اشد من ازرك ... واشجعك ... جاوب بلا هواده ...
وما يهمك ابدا ... ...

تحيه .....

يااااااااااااااازوووووووووووووووووووول

يزرزرو منو؟؟؟؟

ديل طلعو اي كلاااااااااااااام ياااااااااااااراجل

قال كرسي ساخن قال؟؟؟

اقتباس:

والبديك بالملعقه .. اديهو بالحله

حله شنو ؟؟؟

اديهو بالطوه طواااااااااااااااالي