|
تيس عاشق
كان فيه تيس كده شكله قيافة ورومانسي اسمه تيوس المتعوس تيوس ده بحب بنت عمه مووت العنوزة جميلة دخل الجامعة مخصوص عشان يعرسها .
اها تيوس ده اربعة سنين في الجامعة اجتهاد شديد وفاتح ليك للبنات باب كبير يوم واحد ما دك محاضرة ولا شال ملحق ولا ربت سنة وبينه بين البدائل امد بعيد .
المهم بعد الاجتهاد ده تيوس طلع اول الدفعة واتخرج شال الشهادة وجري البلد اول حتة مشى ليها الشجرة الورى الحلة مكان بلاقي الحبيبة لقاها ليك قاعدة من شافته قامت تترب وجرت عليه نفخ صدره ومد ليها الشهادة اللفي خشمه .
جميلة من لقافتها في دقيقة اكلت الورقة وبلعتها الجن والغبا
ده عيونه حمرت ودمعت قعد يعاتب فيها قالت شوف ما تكتر كلامك قلنا ما قاصدين هسي نبلشه
قال ليها خلاص معليش بس هسي اقول لأبوك شنو ؟؟
بس السيرة ما جات لقى ليك ابوها واقف في راسه وعيونه شرار الموقفك مع البت دي شنو انتي الجابك هنا شنو
تيوس قال ليه خلاص يا عمي انا جيت للزواج .
قال ليه وين الشهادة فال ليه في بطن بتك
قال ليه هوووي انا خفة دمك دي مارقاني من الربيع بلاش ؟ امش شوف ليك شغلة اقضيها والبت دي تب ما بعرسها ليك وده اخر كلامي .
تيوس بقت حالته حالا مكسور ويحنن ويبكي ومابي الأكمل والشراب ، في يوم قاعد في طرف البحر يبكي بكا شديد قام عمه شافه مالك يا تيوس ابوك مات خلعتنا
المهم الأبو قام حن على تيوس قال ليه خلاص يا تيوس جيب لي اهلك انا بعرس ليك هسي دي .
التيوس لمت والعنزات وشي دلاليك وشي حنة وزغاريد وغايتو قصة
يوم الفرح وكل المعازيم قاعدين جات ليك غنماية وقعدت تعاين للعريس شوية وللعروس شوية
وشوية هني وشوية هني
الساعة الوقفت ونطت ليك في نص الساحة وقالت
لا مستحييييييييييييييييييييييل العرس ده ما بتم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تم الحتة صنت !!!!!!!!!!!!!!!!!!!!!!!!!!!!!!
اااي العرس ده ما بتم الجوز الاتنين ديل أنها رضعتهم الاتنين من لبني ده
كده ما صااح
قام تيوس يكورك ويقطع في شعره وجري على شارع الظلط بس اقرب دفار دخل تحته
جري الجماعة شاله ليك
جيب السكين قوام ما يبقى فطيس
مسكين تيووس
التعديل الأخير تم بواسطة : توتا بتاريخ 24-08-2006 الساعة 11:48.
|
