$$ الخرطوم تودع (عابر سبيل) $$

3ashg hana · 12-08-2006, 22:04

بعد يوم خريفي و تساقط بعض قطرات الندي والسماء مقطا بالقيم حقيقه كانت لحظات جميله في الخرطوم اليوم وهي تودع الأخ الجميل جدا" (عابر سبيل ) وكانت أصعب اللحظات الوداع رقم كل ما يحمل الجو من شاعريه ...

غدا" (الأحد) يغادر الأخ (عابر سبيل) الخرطوم أنشاء الله متوجها" ألي دوله الامارات (الشقيقه) ....

ربنه يكتب سلامتك يا حبيبنا أنشاء الله ....

ورحله موفقه أنشاء الله ...

وكل احترامي ....

TEEMA · 13-08-2006, 00:22

رحله موفقه..وإن شاء الله يطيب ليك المقام......

وإلله السودان ظريف لكن داير مصاريف......

حكيم زمانوا · 13-08-2006, 00:23

ربنا يوصلك بي السلامة يارفيق دربي العزيز

ولن تفرقنا الفيافي والمحيطات

وسنلتقي يوما ما صديقي

حكيم

عوض مجذوب عبدالماجد · 13-08-2006, 10:02

اخي عابر سبيل ... بالسلامة ان شاء الله وربنا يوفقك

جمانة · 13-08-2006, 11:41

وين يا عابر ...؟؟؟

ده اغتراب و لا اجازة و لا الحاصل شنو

علي كل

تمشي و تجي بالسلامة ياااااااااااااااااااااااااا رب

وماتنسانا

النوراني · 13-08-2006, 11:53

بالسلامة إن شاء الله أخي عابر سبيل ومن باب الذكرى تنفع المؤمنين لا تنسى دعاء السفر.. ومشكور عاشق هناء..

تولستوي · 13-08-2006, 11:54

أخي عابر سبيل..

أتمنى لك التوفيق، وربنا يوصلك بالسلامة..

ويوفقك.. ويديك قدر نواياك..

توتا · 13-08-2006, 12:12

اقتباس:

المشاركة الأصلية كتبت بواسطة 3ashg hana

بعد يوم خريفي و تساقط بعض قطرات الندي ..

هوووووووووووووووووووي بطل الكضب

بالذمة دي قطرات ندى ؟؟؟؟ المطرة نازلة دراب دراب من ليل لظهر اليوم الثاني وتقول لي قطر الندى ؟؟؟

عابر سبيل ربنا يكتب السلامة إن شاء الله

ود المتمة · 13-08-2006, 12:51

درب السلامة ما يخطاك أخوي عابر سبيل .
وإن شاء الله ترجع بالسلامة

ابو اسراء · 13-08-2006, 13:13

الاخ / عابر سبيل
سفر النبى للشام
رافقتك السلامة فى حلك وترحالك وموفق بأذن الله
عاطر تحياتى