حب السودان

شوشو العسل · 31-07-2006, 19:13

السلام عليكم ورحمه الله وبركاته
انا عضوة جديده
في حاجه من زمان والله العظيم شاغله بالي الا وهي
لشنو في بعض من اولاد المغتربين ما بحبو السودان اولا قولتا امكن عشان بره متوافره ليهم حاجات كتيره تاني راجعه نفسي ولقيت انا برضو بره ومتوافره لي حاجات لكن برضو بعشق السودان تانيا قولتا امكن السبب انو التربيه الوطنيه ما سليمه من قبل الوالادين وفكرت وفكرت برضو ما لقيت حل اها يا شباب ممكن توروني السبب والحل

مع جزيل الشكر

sudany ana · 31-07-2006, 20:46

مرحب بشوشو العسل
أولاد المغتربين:
(مصيرك بكرةتتعلم)
والله يمكن عشان بعدهم عن الوطن لكن دا مايمنع ان الاهل يغرسوا فيهم حب الوطن
لكن مصيرهم يجو ويحبو في يوم من الايام

شوشو العسل · 31-07-2006, 22:21

مشكور يا سوداني انا وبالمناسبه اسمك جميل جدا وانشاء الله نبقى اصدقاء

sudany ana · 31-07-2006, 22:44

وشكراًليك يا شوشو ونحن هنا جميعاً احباب وأصدقاء

المسافر · 01-08-2006, 00:11

السودان اكبر من الغربة ........!!!
السودان اكبر من كل البلاد التى نغترب فيها.......!!
السودان اكبر من كل الذين يرون بديلا عنه......!!
السودان اكبر من كل الذين يحكموه عنوة....!!!
لك التحيّة على هذه الملاحظة.....
مع محبتى......

Butterfly · 01-08-2006, 05:48

الاختا شوشو العسل انا بحبا السودان اكتر حاجه فى حياتي وبتمناا ارجع

السودان وكلا اصحابيا بحبوا السودان لانا السودان وطنا الغالى واسفه عشن انا مابعرف

اكتبا عربيا صاح بس كتبتها عشان تعرفيا انا بحب السودان وكل الناس لازم تحب السودان

عشن الناس حلوين وطيبين

Please don't be uppsite I don't write arabic that good

شوشو العسل · 02-08-2006, 00:04

تسلم يا butterfly وانا مبسوطه شديد اسمع الكلام ده منك وياريت كل البره السودان يكونو زيكم كده وانا ابدا ما انزعجت عشان العربي بتاعك بالعكس ده شي يسعدني انك حاولتا تكتب عشان تعبر عن رايك ومشكور للمره التانيه
and it was pleasure to know some one like you

عمران عامر · 02-08-2006, 02:48

وللاوطان في دم كل حر *** يد سلفتودين مستحق

وبلادي وإن جارت علي عزيزة *** وأهلي وإن ضنوا علي كرام

لك الشكر على هذا الموضوع وعلى هذا الحب الجارف ، والذي جمعنا في حب وطن بحجم قامات كل أوطان الدنيا ، نعشق السودان حد الثمالة رضعنا في أراضية وشببنا فيها ، فيها مراتع الصبا ومهد الطفولة السودان الحبوبة والأخت والأم والأب والأخت والأخ وباذن الله الزوجة . وطن تحنو له الهامات شوقا وحبا .

أما لماذا أولاد المغتربين ، طبعا المساءلة ترجع لعوامل عدة بسبب الغربة والبعد عن الأهل وبطبيعة الحال البعيد عن العين بعيد عن القلب فكيف تريدين من أطفال تم ولادتهم في الغربة حتى بلغوا الكبر وهم في الغربة يذهبون الى السودان لمدة أقصاها 6 شهور وهي ليست كافية حتى يتبينوا عظمة بلادهم يقضونها لعب وجري والسودان يصبح في مخيلتهم ساحات للعب المفقود ، يرون الاشمئزاز من واقع الحال في عيون كبارهم وقد ينطقون بها لذلك يشبون على ما يشاهدونه ويسمعونه من أهاليهم وهم في ذلك ليس لهم ذنب .

ينزل الأهل اذا تيسرت أمورهم كل سنتين تكون مدة الاجازة فيها تتراوح ما بين الشهر والشهرين فكيف تريدين أن يكون هنالك حب في فترة كهذه ، القنوات الفضائية لم تجعل لهم مكانا يذكرون فيه السودان وهم يرون كبارهم يتجولون في قنوات الآخرين وعندما يمرون بالسودان لا يقفون حتى لمجرد أن يروا الشعار وإنما يمرون عليه مرورا كأنهم لا يريدون لصغارهم أن يروه .

أصبح كل الشباب يتغنون بالاغاني العربية ويرقصون الرقص العربي حتى في مناسبات التخرج بالسودان فقد شاهدت شريط تخريج كان عدد من البنات أغنية التخرج غير سودانية ، اذا فدخول الثقافة علينا عنوة لها أكبر مردود للامر ايضا .

الآن اختلف الأمر لن تجدين حب السودان متربعا الا في القلة من الكبار أما الصغار فلا أمل يرجي من وراءهم لان الثقافات اختلفت تربوا على العيشة الهينة وعيشة الرغد حتى ولو كانت بالدين وحتى ولو كانت بذهاب كل غالي ونفيس وحتى ولو كانت بذهاب الشرف ، لذلك لا يستطيعون أن يعيشوا في شمس السودان الحارقة إلا من تربي فيها وشرب من ماء النيل وهو في حالة ( عكر) لا يقدرون على العيشة فيها ما لم يعانوا في ركوب المواصلات ووووووووووووووووووووووووووووو .

والله يعين .

شوشو العسل · 02-08-2006, 05:02

معاك حق والله يا عمري انا وانت كده اديتني اجابات شافيه لاسالتي فشكرا جزيلا لك وانا كده ما قصدي اقفل الموضوع خلاص لا لو في اي واحد تاني عندو اجابات تانيه فياهلا بيه ويتفضل يقولها عشان انا فتحت الموضوع ده عشان كل واحد يعبر عن رايو فمرحبا بالمشاركات