الانا

دار جعل · 22-07-2006, 08:29

التحية لكل من درس جامعة القاهرة فرع الخرطوم ( وانا لست منهم ) التحية لكل من عاصر عهد ابدع فيه شبابنا فخرج ابداعهم نموذجاً معالجاً لكثير من قضايانا

التحية لصديقنا حدباي الذي يعيش معنا هم الغربة والاغتراب.... حبيت أذكر العشاق بقصيدة كان يلقيها بنادي المكتبة القبطية بالخرطوم ( عيييييك زمان )

هى زى هبهانة وما هبهانة
وزى بنانة وما بنانة
غايتو نحن مجننانا
حتة حتة مكسرانا
لسة ما عرفتوها برضو
دى ما ألانا
ألانا خلتنا عاد ننضم برانا
غايتو لو سكنت حدانا
نحن ما الله معانا
ألانا ما بتاكل فتة اصلو
وما بتمشى الاجزخانة
فيها حاجات مغلغلانا
تلاتة شامات جنب خدودا وجنب اضانا
اضانا زاتا مطنشانا
تلاتة حاجات لاها وحدى ولا twise
وفيها eyes اى واحد شافا مرة
الجماعة رقدوا خردة
all the people راقدين جنايز
if انا مرة اغتربت
ولى امورى organize
لى ابوها جوة houseو بمشى ليهو وما بلاوز
اصلى حربى وفقرى ييشن
اقولوا امايستميشن
انو your daughter
رهيبة وليها عايز اعرسيشن
lf هو قال لى رافضيشن
ولى عيونو حمريشن
بقولو ليشن وبالحجارة بجدعيشن
وابقى بيشن
**
ألانا جاتنا فى الخرطوم هنا
الجماعة جنس دفر وجنس عفص
وجنس كبع وحريمنا عاد فتحولو تب
من الزعل داير ينفقع
ألانا جاية من استراليا
جكسينا عاد امبدة والديم والربع
ألانا جاية من استراليا
لابسة جنز و بلوزة غالية
جكسينا ناس جكس العباية
وفى العباية قماش ملاية
ألانا جاتنا بقوها زى ست الودع
جاها واحد قال ليها يا ألانا
جرى كبسولة الزمن دى شهرين لى قدام
شوفينى بعد الامتحانات بباصى ولا بتشلع
جاتا وحدى قالت ليها الرسول يا ألانا
تجرى كبسولة الزمن دى عشرين سنة
شوفينى بتزوج ولا شاكوش بتلبع
بعدين ألانا لا بتنخلط ولا بتقتنع
الا لي انا دة فقري جدا مطلع
انا عاد بخاف!!!؟
قلت ليها ارح نقعد فى سنة تلاتة الاف
وفو مشينا سنة تلاتة الاف
قلت ليها تعرفى ناس القرن العشرين
ناس متخلفين ... سفر بالطيارة
وكمبيوترات وجنس عوارة
اها قمنا راجعين كبسولة الزمن ضهبت
وقعت بينا فى امبدة جنب المزارع
نزلت منها ألانا شافت الناس بتاكل فى الكوارع
جرت للكمبيوتر قالت ليهو يااااي
نحن فى ياتو زمن ؟
قال ليها نحن فى الزمن الضائع
ألانا معاها وحدي قالوا جانا
يعنى بس بالشايقى جيني
يالحلوى وظريفى
الكريشة ماها ظاهري والرويس تب ماهو نيفي
جيني قِمّي وكونو زاتا نشوفا نحنا
دى زاتا نعمي
والشايقى فيها اندهش داير
يقول دة الشغل قال دى الخدمي

يا وجع ساكن كلانا
الا جد جد وبامانة فى بناتنا بنلقى
مليون زى ألانا
فى السماحة عسل بدفق
ومسخن سكر كنانة
وفى العلم افكار دؤوبة
شان يطوروا مستوانا
فى بناتنا بنلقى حاجة ما بنلقاها فى ألانا
فيهن العفة الرزانة
وفيهن الامل البيضوي
فى مدنا وفى قرانا

Darkman · 22-07-2006, 08:37

اقتباس:

هى زى هبهانة وما هبهانة
وزى بنانة وما بنانة
غايتو نحن مجننانا
حتة حتة مكسرانا
لسة ما عرفتوها برضو
دى ما ألانا

توتا · 22-07-2006, 13:23

ألانا خلتنا عاد ننضم برانا
غايتو لو سكنت حدانا
نحن ما الله معانا

باين
انت صدسقك وينو ؟؟
ودرتو ولا دفنتو

دار جعل · 22-07-2006, 17:49

اقتباس:

باين
انت صديقك وينو ؟؟
ودرتو ولا دفنتو

صديقي وقت ضيقي

قال صديقي : كثرة الجوع... تقلل من نمو العقل

3ashg hana · 22-07-2006, 21:26

اقتباس:

ألانا خلتنا عاد ننضم برانا
غايتو لو سكنت حدانا
نحن ما الله معانا

اسي الله معاكم قبل ما يسكن حداكم ...

شنو الشعر الجميل دة ...

كلام منسق وجميل يستحق ان نرمي بة في سلت (المهملات)...

هههههههههههههههههههههههههه

TEEMA · 22-07-2006, 22:28

هييييييييييييع.....

شكرآ دار جعل....رد الله غربتك وغربتنا....
آآآآي دي الخدمي...

3ashg hana · 22-07-2006, 22:53

علي الحديقة جلسنا ....

أنا وفلان وفلانة ...!!

هههههههههه

شايقية · 23-07-2006, 02:47

انو your daughter
رهيبة وليها عايز اعرسيشن
lf هو قال لى رافضيشن
ولى عيونو حمريشن
بقولو ليشن وبالحجارة بجدعيشن
وابقى بيشن

.
...
...
...

الا جد جد وبامانة فى بناتنا بنلقى
مليون زى ألانا
فى السماحة عسل بدفق
ومسخن سكر كنانة
وفى العلم افكار دؤوبة
شان يطوروا مستوانا
فى بناتنا بنلقى حاجة ما بنلقاها فى ألانا
فيهن العفة الرزانة
وفيهن الامل البيضوي
فى مدنا وفى قرانا

[/color][/size][/b][/font][/center][/quote]

ههههههههههههههههههههههههههه.. بالجد قصيدة أكتر من رائعة ... والنهاية بتاعتا مبااالغة ...
فليك كل الشكر .. ويديك العافية .. ودمت ..
وكل التحايا لي قلمك صديقك الجميل ..

دار جعل · 23-07-2006, 13:39

شايقية بت عمي

الفهم لا يقاس بسني العمر... وانت مثال باين لذلك

لكي مني خالص التحية والتقدير