جهاز المغتربين من الباب إلى الطيارة

sudany ana · 17-07-2006, 21:28

جهاز المغتربين هذا الجهاز الضخم يمكن يكون اكبر عائد للسودان اكتر من البترول الماشميناهو ذاتو ولا هو بشوفو؟؟؟؟ ما علينا
في الجهاز دا والله في حاجات تحير !!!!!!!!!!. الزول يكون مبسوط ويتونس مع رفيقو الجاي معاهو من البيت بس من يخش حوش الجهاز بس تبدا المأسي اول حاجة يلاقوهو ناس (الهدف)
اها الجواز؟
تديهم الجواز
اها دا منو المعاك؟
دا أخوك؟
لا ما يخش
طيب نعمل شنو نبدا كيف؟
خش جوا اسأل
خشينا
الاستعلامات
امشي الضرائب
نمشي الضرائب
شغال شنو؟
عامل
عامل شنو؟
تقول : عامل أي حاجة
تحلف؟؟
بعداك أمشي الزكاة
تمشي الزكاة نفس الأسئلة وتحلف برضو
هل الزكاة بطلعة براك ولا لازم تديها لي ناس المغتربين؟؟؟؟ ما سؤال... المهم
بعداك تمشي الخدمات
وياريت لو في خدمات ابسط شي التعامل مافي الكلمة الطيبة مافي
تثور يقولو ليك أمشي (للأمين العام )
تمشي للأمين العام يقولو ليك والله مسافر طيب أنا ما عندي أعمل شنو؟
أرجى (الأمين عنان)
يعني ارجى الأمين العم لحدي ما الاقامة تنتهي.؟
طيب دا يبقى جهاز بخدم شؤون المغتربين كيف مع العلم انهم بجيبو اكب عائدات البلد (العملة الصعبة)
هل تعلمون انو راتب العامل في جهاز المغتربين ما يقل عن 400.000
وليكم القصة البسيطة دي
جاء احد المغتربين بعد ان انهكته اجراءت العودة الى مدير الزكاة ومعه زوجته فقال له انا والله جئت لزواج أخي وتكاليق الزواج الباهظة حاربتني وجئت لأكمل الاجراءات وكل ما معي خصص للضرائب والخدمات وانا الان لا املك ما ادفعه للزكاة علما بأني لا أعمل في الخارج بلزوجتي معارة هناك وأنا مرافق لها وحينما نعود الى هناك سندفع في السفارة
فكان رد مدير الزكاة : أدفع نصها خلاص
قال: والله أنا ما عندي لا نصها ولا كلها
قال مدير الزكاة: يحول إلى أمين عام ديوان الزكاة
قال: وديوان الزكاة دا وين ؟؟؟؟
قال مدير الزكاة أمشي هناك منطقة (جبرة) اسأل
وهنا : ياخي حرام عليكم الزكاة دي الزول بمرقة براهو ما دايرة كدا والاسلام ما أمر بي كدة واذا كان دا الاسلام فأنا والله نخلي الأسلام دا .
مدير الزكاة : يلخي حرام الكلام دا ماصح تعال ....تعال ... يؤجل الدفع لظروف مالية
يعني إلا الزول يمرق من الملة حتين يؤجل... سبحان الله
بعد ما تخلص من الجوطة دي كلها وتمشي تتدفع تلقاك الموظفة بتاعت الحسابات وصرة وش (كيف أمشي أدفع بالريال انا بشيل محلي بس) تمشي تدفع بالمحلي يقولو ليك مافي فكة أمشي فك وتعالتمشي وتجي يقولو ليك خلاص قفلنا إلا بكرة مع أنو تكون جاي من الصباح... المه تجي تاني يوم تدفع والمطار طوالي أها في المطار (رسوم المغادرة)
يعني تغترب عشان شنو؟؟؟؟؟؟ عشان
(ناس تخريم جيوب الخاملين بالخارج)
ربنا يعين كل مغترب ويرجعو من غربتو سالم وغانم ويرفع عنهم كل معناتهم لأنو والله بالجد دي معانة.

ودمت يا وطن.

sudany ana

سودانى · 17-07-2006, 22:53

سوداني انا

موضوع جميل جدا وشدني حقيقة للادلاء والتعبير هنا علة يزيل بعض من كدر القلب الذي اراة ملازم للمغتربين البقراء العجفاء التي لا تدر لا حليب ولا حتي ماء .

ولكن هل هم يفقهون ام انهم مجردين من اجمل الصفات الذي زرعت في بني البشر وهي الانسانية فاذا انعدمت تكون مصيبة فحال المغتربين اليوم لا يخفي عل احد والريال النازل دة كمان ذاد الطين بلة ويا ريتوا لو نازل والجنية بتاعنا ماشي قوي !!!!!!!!!!!!

غايتوا الشكية لابيدا قوية هو اعلم بحال المغترين واعلم فعلا بالمعاملة السيئة التي ياخذون مقابلها خدمات تقطع من جيوبنا والله يعلم بتمشي وين ؟؟؟؟؟

وربنا موجود ويمهل ولا يهمل

sudany ana · 17-07-2006, 23:03

شكرأ لك أخي سوداني وأمد الله في أيام عمرك
وربنا يساعدنا

المسافر · 19-07-2006, 00:05

عزيزى سودانى انا........لك التحيّة ......

هكذا حكومة العسكر منذ ان أطلّت علينا بوجهها الاقبح
الا من فكرتها.........!!!!!!!

مع محبتى......

sudany ana · 20-07-2006, 16:18

شكر على الرد وربنا يرفع بي يدنا

sudany ana · 20-07-2006, 16:19

شكر على الرد وربنا يرفع بي يدنا