الخراب فى الاغتراب

لحظة تفاهم · 12-07-2006, 18:48

هذه حقيقه فهى دراسه اعدها مركز الهدهد للدراسات بالتعاون مع [mark=FFCC00]جهاز شؤؤن العاملين بالخارج وهى تستحق الانتباه والوقوف عندها من كل الجهات المعنيه

الدراسات جاءت بمعلومات خطيره ونظرا لخطورة الدراسات فقد رايت السكوت عن بعض التفاصيل الا انه يجب ايراد بعض العموميات منها:

وجدت الدراسه ان المغتربين الذين يصطحبون معهم اسرهم هم افضل الطبقات من حيث الدخل الاقتصادى الا انهم من حيث التوفير فلا يوجد عائد لانهم يصرفون عائداتهم فى بلدان المهجر

تؤثر المرأه على المغترب السودانى

فيما يعرف بالتفكير النسائى حيث ان النساء يوجهن اهتمامهن الكامل للحيز الزمنى والحيز الجغرافى الذى امامهن،فالمرأه المرافقه لزوجها تجد انها فى وضع متميز ولاترغب فى ان ترهق نفسها فى المستقبل وتصنع لنفسها فى دول المهجر مجتمعا خاصا يكبل الزوج بقيود من التكاليف الباهظه تؤدى الى ضرورة بقائهم اطول من الزمن المتوقع

نلاحظ ان اكثر من 50% من المغتربين جامعيين و40% ثانويين 10% خريجو متوسط وابتدائى ونلاحظ ان كثيرا من الجامعيين يغتربون تحت وظيفة راعى اغنام اوعمال تربية مواشى ونلاحظ ان 40% من المغتربين يكتبون مهنة عامل اما بسبب الضرائب العاليه فى السودان او لان عقودات العمل المتوفره هى عقودات عمال ووجت الدراسات ان80% من المغتربين ينتمون الى الولايات الوسطى (الجزيره،النيل الازرق،الشماليه،كردفان)والاقاليم الجنوبيه تمثل 2% فقط

ومن الجدير بالذكر ملاحظة ان الحماسه والجديه التى يعمل بها المغتربين فى دول المهجر اكبر بكثير من الحماسه التى يعمل بها فى السودان مع العلم ان المغترب يعمل اكثر من عشره ساعات فى اليوم فى دول المهجر وينخفض ادائه داخل بلاده

معظم المغتربين يستهلكون مدخراتهم فى بلاد الاغتراب

اذا لماذا الاغتراب اذا كان بداية خراب

[/mark][/right][/mark]

tikail · 12-07-2006, 22:37

عزيزي لحظة تفاهم
مشكور علي الطرح الجميل

اعتقد انو المغترب بما انو ما حيعيش في وضع اقتصادي كويس جوه بلادو لية مايعش الوضع دا برا
ودمتم

sudany ana · 13-07-2006, 00:09

الأخ لحظة تفاهم
مبروك على الموضوع الجميل ولكن....................

اقتباس:

وجدت الدراسه ان المغتربين الذين يصطحبون معهم اسرهم هم افضل الطبقات من حيث الدخل الاقتصادى الا انهم من حيث التوفير فلا يوجد عائد لانهم يصرفون عائداتهم فى بلدان المهجر

الأسر دي أحسن ليها تكون عايشة برة لو هي حتقدر تأكل وتلبس وتعالج لكن تكون قاعدة هنا والحاجات دي كلها معدومة مافبي فايدة لكن دة ما يمنع انو الزول لازم يوفر وما تنسى دا واقعنا والأسر دي جازفت هنا في السودان وما لقت طريقة حتعمل شنو وربنا قال أسعى ياعبد وانا أسعى معاك وديل سعو ودا بقى قدرهم خلاص المهم في زول تاني حيفكر في الإغتراب ولا لأ؟؟؟؟؟

اقتباس:

تؤثر المرأه على المغترب السودانى فيما يعرف بالتفكير النسائى حيث ان النساء يوجهن اهتمامهن الكامل للحيز الزمنى والحيز الجغرافى الذى امامهن،فالمرأه المرافقه لزوجها تجد انها فى وضع متميز ولاترغب فى ان ترهق نفسها فى المستقبل وتصنع لنفسها فى دول المهجر مجتمعا خاصا يكبل الزوج بقيود من التكاليف الباهظه تؤدى الى ضرورة بقائهم اطول من الزمن المتوقع

تقول شنو ديل نسوان وأنت أكيد عارف النسوان (إن كيدهم عظيم)

اقتباس:

من المغتربين يكتبون مهنة عامل اما بسبب الضرائب العاليه

تم وبحمد الله الغاء الضرائب بقرار وزاري من2005 بس تعويدة الإقتراب صعبة.

اقتباس:

ومن الجدير بالذكر ملاحظة ان الحماسه والجديه التى يعمل بها المغتربين فى دول المهجر اكبر بكثير من الحماسه التى يعمل بها فى السودان مع العلم ان المغترب يعمل اكثر من عشره ساعات فى اليوم فى دول المهجر وينخفض ادائه داخل بلاده

قلة الأجور واحد من الاسباب والزول شغال عشان المال والشغل ما بقدروه الأجانب

اقتباس:

اذا لماذا الاغتراب اذا كان بداية خراب [/right][/mark]

الرسول صلى الله عليه وسلم هاجر عشان المال خلي المغتربين ولا شنو.
لك كل التحايا اخي

دار جعل · 13-07-2006, 22:19

لك التحية والتقدير

قلت أن الدراسة كشفت شيئاً خطيراً... وقام بها جهاز شؤون المقلوبين ( عفواً ) المغتربين

من كان السبب في ظاهرة الاغتراب؟ ولما؟ وماذا أوجدوا من حلول لرفع الحرج عن المغترب المغلوب على أمره حتى ينهي سني تعبه وشقاه؟

اقتباس:

وجدت الدراسه ان المغتربين الذين يصطحبون معهم اسرهم هم افضل الطبقات من حيث الدخل الاقتصادى الا انهم من حيث التوفير فلا يوجد عائد لانهم يصرفون عائداتهم فى بلدان المهجر

هذه حقيقة مغلوطة.. فالكثيرون يملكون شركات وعقارات... وهناك من الأسر المغتربة ممن يعيشون حد الكفاف ولكن ( مستورين ) يعني الواحد بأقل القليل بعيش واذا كان فقد ابسط مقومات الحياة في دياره فلا بأس أن يبحث عنها في مكان آخر يجد فيه راحته...

اقتباس:

تؤثر المرأه على المغترب السودانى فيما يعرف بالتفكير النسائى حيث ان النساء يوجهن اهتمامهن الكامل للحيز الزمنى والحيز الجغرافى الذى امامهن،فالمرأه المرافقه لزوجها تجد انها فى وضع متميز ولاترغب فى ان ترهق نفسها فى المستقبل وتصنع لنفسها فى دول المهجر مجتمعا خاصا يكبل الزوج بقيود من التكاليف الباهظه تؤدى الى ضرورة بقائهم اطول من الزمن المتوقع

اعتقد أن هذا شي طبيعي فحسب البيئة التي تعيش فيها تتعايش معها رجلاً كان أو إمراة... ولكن هناك أيضاً ممن يعملن لآخرتهن في السودان كما يعملن لدنياهن في بلاد المهجر

اقتباس:

نلاحظ ان اكثر من 50% من المغتربين جامعيين و40% ثانويين 10% خريجو متوسط وابتدائى ونلاحظ ان كثيرا من الجامعيين يغتربون تحت وظيفة راعى اغنام اوعمال تربية مواشى ونلاحظ ان 40% من المغتربين يكتبون مهنة عامل اما بسبب الضرائب العاليه فى السودان او لان عقودات العمل المتوفره هى عقودات عمال ووجت الدراسات ان80% من المغتربين ينتمون الى الولايات الوسطى (الجزيره،النيل الازرق،الشماليه،كردفان)والاقاليم الجنوبيه تمثل 2% فقط

سبحان الله ... ومن أجبرهم على ذلك؟

اقتباس:

ومن الجدير بالذكر ملاحظة ان الحماسه والجديه التى يعمل بها المغتربين فى دول المهجر اكبر بكثير من الحماسه التى يعمل بها فى السودان مع العلم ان المغترب يعمل اكثر من عشره ساعات فى اليوم فى دول المهجر وينخفض ادائه داخل بلاده

ذلك نتاج طبيعي للمقابل!!!

اقتباس:

معظم المغتربين يستهلكون مدخراتهم فى بلاد الاغتراب

لما التناقض في الدراسة .... تقول أنهم لا يملكون شيئاً ثم تأتي وتقول يستهلكون مدخراتهم

اقتباس:

اذا لماذا الاغتراب اذا كان بداية خراب

وما الحل؟؟؟؟

لك تحياتي

لحظة تفاهم · 18-07-2006, 18:14

ِسلامااااااااات ايها العضو النشيط tikai
مشكور على وصف الطرح بالجميل فى رايك انو الناس تعيش الوضع الكويس بره لو فكرت شويه
حتلاقى انو ما حيمتلك حاجه بره وبره دى لمتين كلها سنين بتاعت راحه بالنسبه ليهم بس هى راحه مؤقته لانو فى اى لحظه ممكن (يتفنشو) ول ما ضرورى براااااااااااك شايف البحصل فى لبنان ربنا يكون فى عونم والاوضاع السياسيه ما دايما مستقره يعنى بعدين حنبقا فى السودان وطنى الغالى وما ادراك .....وهلم جرااا والرجعه تبقا حااااااااااااااااااااااااااااااره وسلبيااااااااات انسااااا بس

ياااااااااااااااا سودانيه اناااا
شكرا برضووو لاطلاعك على الموضوع والرد عليهو بالنسبه لاقتباسك الاول رديت على الاخtikail فوق انو ده ماحل كونو احسن نعيش براااا والعلاج واللبس والراحه ماهم اساس السعاده اوالراحه النفسيه اسالى مجرب من الاغتراب وعلى فكره تقدرى تضمنى لى انو كل المغتربين جاذفو فى بلد ول بس فكرة انا مغترب وولدى مغترب واخوى مغترب والخ,,,,,,
وبرضو بقوليك القدره من ربنا والسعى من العبد اىىىىىىىىىى بس (ما كلهم جازفوووو)

اقتباسك الثانى
(ان كيدهن عظيم)دى حقيقه

الاقتباس الثالث
لا اساس من الصحه لتنفيذ القرار واسالى اى مغترب من الكلام ده وانا على راسهم كنت من شهرين بجهاز المغتربين عشان ادفع وادفع وادفع

الاقتباس الرابع
مسألة الاجور مسأله اقتصاديه فغلاء المعيشه يعنى غلاء الاجور وانخفاضها يعنى انخفاض اسعار السلع وهذا عرف عالمى بعد كده كترة شغل ول قلتو حاله نفسيه ،عشان كده بتلاقى المغترب بعيش بالبسيط شديد ويرسل الباقى الحوالاااااااات والتى تعتبر معقوله جدا بالنسبه لاسرته فى البلاد ده طبعا اذا ماعندو اسره

الاقتباس الخامس
ياسودانيه انا الرسول (ص)كان تاجر ما كان مغترب بجيب قروش من بره يعنى قدوتنا كان بيترحل من بلد لى بلد عشان يبيع ويشترى وحتى اليوم هذا ما يفعله التجار وكان عليه افضل الصلاة والسلام دائما مايرجع الى بيته فى وطنه وهذه معلومات دينيه لاعلاقه لها بموضوع الاغتراب

اهلا يادار جعل

حقا هى دراسه ان رضيت او ابيت ياسيد دار جعل الاغتراب ليس ظاهره بل هو موجود منذ وقت بعيد قبل ميلادك و ميلادى بكثير لكن قد يختلف انا معظم الاغتراب فى الماضى كان من اجل العلم تلقيه او اعطاءه فى الغالب
ولم يفعل الجهاز شى ولا بادره واحده لرفع الحرج على المغلوبين لكن ليس كل المغتربين يرون انها سنين تعب وشقا بالعكس تعتبر لديهم احلى ايام العمر فى نظرهم عشان الراحات ذى مابقولو وطبعا البقولو الكلام ده الفئه الأسر عليها الاغتراب وخلا قلبها مااااااااااااااااااااااااااااااات

اقتباسك الاول
ادينى نص مثال لواحد جاب اسرتو وهو ما مستطيع نوعا ما ول حيجيبم كيف بالمنطق كده
ثم مقومات الحياه شنو فى نظرك ياحمش انت

الاقتباس الثانى
اجبرهم الوضع ودى حقيقه

اقتباسك الرابع

ام م م م م مم م ................. اظن انها حاله نفسيه

الاقتباس الخامس
مافى تناقض ولا حاجه شى طبيعى عند المغترب والغير مغترب يوفر انشاء الله ربع المبلغ وهو يعتبر مدخرات يعنى حاجه ذى البنلمها كنا ايام طلبه عشان نستفيد منها يعنى بالبلدى حاجه لاتذكر من الادخار وهى للوقت الصعب ذى المرض وغيرووو ما الحاجه المفروض يوفرها عشان يبنى وغيرو لا ده المقصود بالمدخرات يعنى الابيض للاسود ومع ذيادة اعباء المغترب والمدارس ويبيع اجازتو عشان اجازة الاولاد والهدايا ليهم لمن ينزلو الخ.... لازم يصرف مدخراتو ول رايك شنو يا دار جعل

واخيرا يادار جعل
مافى يدنا حاجه غير نفضفض مع بض فى المنتدى اللذيذ ده

لحظة تفاهم · 20-07-2006, 02:57

عفوا يا سودانيه نسيت اقول ليك انو قرار الغاء الضرائب فقط للسنين الجايه ونحنا يادوب بنسدد فى القديم وما قادرين