###بالعديل والزين تقدموا وتبرا###

**معتز زيزي** · 06-07-2006, 10:51

هو لبلب ...

بالعديل والزين يتم اليوم الخميس 06/07/2006م بالسودان ...
عقد قران أخونا وحبيبنا الغالي إلى نفوسنا...
... (سوداني) ...
يلا يا سمحاتنا يا قمحاتنا جهزو الشربات وكمان
(الشطة والدكوه والمراره وسفوفة القنقليس وشوية ابري أبيض)
لـ ( ولي وأيمن) علشان البص قرب يصل ديل قاعدين بيغنوا من ما أتحرك البص (حلقهم نشف)
... ويا أبو أسراء كلم الولد يقلب الخروف ويقطع راسه ...
... ويا (قلب) رسلي لينا كم صينية (بسبوسه) على جده ...
شنو يا جماعة واقفين لينا (زي السفنجات قدام الجامع) يلا تعالوا نهنئ عريسنا

وهو لبلب ...

عمران عامر · 06-07-2006, 10:54

مبروك العزيز سوداني مع إنك قاطع عننا الاتصالات لكن برضه ما مشكلة نقول ليك مبروك عليك ده هناك هناي

وعقبال لي انا القي لي بنيه ترضي بحالي ده واعقد عليها

**معتز زيزي** · 06-07-2006, 11:01

والأن من خلال الهاتف مع العريس علمنا أن البص تحرك الأن من مدينة (بحري) متوجهاً إلى مدينة (القضارف) وسماع (أضني) الكبار ديل (زغاااريد) أها ....

ولمن يرغب في التهنئة الشخصية عبر الهاتف
هذا هو رقم حبيبنا العريس سوداني

00966500966099

دار جعل · 06-07-2006, 11:22

بلا خبر.. عم الخبر... قالو العريس قايم الشهر الجاي...

وذكرت مصادري الخاص أن عريسنا الهمام ينتمني لقبيلة هشام... ومن المرجح أن يجري مشاورات مع جميع الأطراف قبل التحرك لحل قضيته الابدية....

يا زيزي... اسال الله أن يعرس ليك واحدة عندها قروش كتيرة.

سودانى · 06-07-2006, 11:29

زيــــــــــــــــــزي

حبيبنا

دايما ما تنقل الاخبار المفرحة

والابتسامة لا تفارق شفتيك

خطواتك هنا في المنتدي تعدت

دور الابداع

فكانت كما ترون اشعاعات فرح

تتوالي هنا وهناك

اقول لا فض الله فوك اخوي شقيقي براي [/center]

جمانة · 06-07-2006, 11:32

سوداني يا عسسسسسسسسسسل

الف مبروك و الله و بيت مال و عيال

ابو اسراء · 06-07-2006, 11:33

مبــــــــــــــروك
حبيبنا حبيب الكل سودانى
الف الف الف مبروك وربنا يتمم على خير
ويديم بينكم الالفة والمحبة والسعادة
وبيت مال وعيال كتار يا رب
لك محبتى وسعادتى
اخى

تخريمة:
مشكووور معتز على البشارة وان شاء الله نشوفك انت وعمران عرسان يا رب

سودانى · 06-07-2006, 11:36

اقتباس:

المشاركة الأصلية كتبت بواسطة عمري انا

مبروك العزيز سوداني مع إنك قاطع عننا الاتصالات لكن برضه ما مشكلة نقول ليك مبروك عليك ده هناك هناي

وعقبال لي انا القي لي بنيه ترضي بحالي ده واعقد عليها

عمري انا

اخوي صاحب الانامل الذهبية كم تمنيت ان تتداخل احرفنا مع بعض

بما تملكة من اسلوب سلس جميل

وتمنيت ان اعرفك عن قرب لما لمستة منك من تواضع وخير وفير

شاكر لك حضورك هنا

ولا عدمنا ما تجود بة علينا

وعقبالك دعوة مني ليك

فاصلة

يا اخونا معليش اذا كانت الردود ليست بالمستوي المطلوب

ارجوا ان تقبلوها مني الكبكبة حاصلة

واظرف حاجة اني في ردي علي زيزي اقتبست من كلام عمري انا

لوووووووووووووووووول

بس عدلتها قبل ما تشوفوها

سودانى · 06-07-2006, 11:47

اقتباس:

المشاركة الأصلية كتبت بواسطة دار جعل

بلا خبر.. عم الخبر... قالو العريس قايم الشهر الجاي...

.

دار جعل

ابنفس حار

اولا مشكور جدا علي اتصالك

فقد سعدت بة كثيرا

وسعدت بمعرفتك اكثر

يديك الف عافية ويخلي ليك اولادك

ويبعد العين عت اللابتوب بتاعك

اقتباس:

وذكرت مصادري الخاص أن عريسنا الهمام ينتمني لقبيلة هشام...

بالله هشام مننا بعد دة تشوفوا ليكم طريقة ساي

وانا اقول الابداع دة من وين اتاريهوا سيد ناس

اقتباس:

يا زيزي... اسال الله أن يعرس ليك واحدة عندها قروش كتيرة

زيزي

الناس كلها مقبلة عليك ياخي

انشا الله نفرح بيك قريبا يا حبة