البصيرة....الايمان ... فى الدين
السلام عليكم
الاسلام... و الايمان بالله....من قبل ما يكون ديانة, هو شعور.. و هو قناعة.. و نتيجة تامل و تفكير... قد نكون مسلمين و لكن هذا لا يعنى اننا كلنا مسلمين حق.. و ملمين بكل المعانى البيعنيها الاسلام او الايمان بالله... انا لا اعنىالايمان بوجود الله و الايمان بملائكته و كتبه و رسله و اليوم الآخر... اعنى.. عن استعمال العقل و البصيرة للتفكر فى المخلوقات.. ونجعل ايماننا قوى بتركيز القناعة فى قلوبنا و بصايرنا.
طيب الدين الاسلامى اركانو معروفا و فرايضو و حلالو من حرامو... لكن هل الدين بس كده؟
هل ربنا وهبنا العقل و البصيرة عشان نقوم بهذه المهام و بذلك نكون وصلنا اعلى مراتب الايمان؟
ربنا سبحانه و تعالى انزل كتابو الجليل .. فيهو تذكير للناس.. ووعيد .. وامثال... وفيهو الاحكام.. والتذكير كان لاولى الالباب... يعنى البستخدمو بصيرتهم....
ممكن نقول انو القران تذكير للانسان بوظيفة عقلو.. و انواصل لقناعة تامة بالتوحيد...
طيب... لماذا التشدد فى الاحكام... و التضييق لمعنى الاسلام و الاهتمام باحكام انا ما بستطيع احكم عليها باى شى... بس بقول انها اقل اهمية من احكام كبرى....؟؟؟؟ لماذا؟
القران و السنة .. والاجتهاد... يعنى اجتهاد على ضوء الاحكام الربانية ..
الجاب الكلام ده كللو ... انو الاسلام هو ديانة التوحيد... بوذا زمان لما اتعبد و كان زول صوفى ...وصل لى انو فى خالق و مبدع يتوحد فى صفة الكمال... بديع السموات و الارض... لكن من غير اسلام... كان زول متامل و عندو بصيرة..ز وصلتو لى كده.... جاؤوا بعدو الناس افتكروهو من ورعو و هيبتو و بركاتو هو الخالق زاتو و عملو منو اصنام!!! و العياذ بالله....
برضو... اينشتاين... عندو مقولة...(ان دينى هو اعجابى بتلك الروح السامية التى لا حد لها.. التى تتراءى فى التفاصيل الصغيرة القليلة التى تستطيع ان تدركها عقولنا العاجزة الضعيفة وهو ايمانى العاطفى بوجود قدرة مهيمنة عاقلة تظهر فى كل هذا الكون المعجز للافهام ان هذا الايمان يؤلف عندى معنى الله)
انا جبت كلام اينشتاين... بس عشان ارسخ ليكم معنى الاسلام... و الغرض من العقل و البصيرة و ايات التفكر الكتيرة الفى القران الكريم...
و انو تقوية الايمان بتجى من حاجة زى دى.. قناعة كبيرة .. و احساس قوى بجلالة ربنا و حكمتو البليغة من الغيبيات و ظهور قدرتو فى جميع الكون و مخلوقاتو...
|