الانفجار الكبير ......
الخرطوم العاصمة المسلحة حاليا _ والمثلثة سابقا_ تزخر فى ثوبها بالعديد من الاعراق والبطون شرقا وغربا وجنوبا وشمالا , ولكن استفحال ظاهرة السلاح فى الاونه الاخيرة يشكل كبير مهدد للسودان فالخرطوم هى القلب النابض فعندما تسقط تسقط البلاد ومن يستولى عليها يستولى على زمام الاموروعندما يخرج وزير الداخلية ويقول ان فى الخرطوم اكثر من 47 فصيل مسلح تلك طامة كبرى ولو نظرنا اليها بكل الابعاد الاستراتيجية نرى ان الانفجار قادم لامحال لكن دعونا ناخذ هذه المعضله بشكل اخر ربما فات على كثيرون _ ربما تقوم حربا شعواء فى قلب الخرطوم لغضب سائق حافلة او امجاد او ست شاى تنتمى لفصيل من الفصائل _ اعلم ان هذا الكلام لا يعجب الكثيرين ولكنه الحق فالحكومة _ المؤتمر الوطنى _ تدفن راسها فى الرمال والجانب الاخر لايهمه ان تحرق او تشتعل فلقد قبض ثمن السلام وكفى _ وقفه الاسهالات تعم العاصمة وتستفحل فى مص دماء الغلابة من المواطنين والمستشفيات تكتظ بهولاء الشعس ولا حياة لوزارة الصحة والبلاد ولاحياة لوزارة الصحة الولايية ولاحته اتحادية _وهذا شان وزاراتنا فى حق المواطن _ بداء موضوع الاسهالات قبل اشهر فى جنوب البلاد وسار حتى وصل اقصى الشمال وحكومتنا الرائعه _ربنا يقدره على الصرف فى الاحتفالات _ ولسه الجايه جايه . بالمناسبة مبروك لى منى اركوى درجة الدكتورا فى السلام _ والله بعد الانقاذ جاءت مسميات دكتوراة غريبة خلاص _ دكتور فى الوضوء ودكتور فى التيمم _ عليكم الله دكتور فى التيمم دى تجى كيف ؟؟؟؟ !!!!! انا ماقلتا ليككم زمن مهازل .... اها بعد على عثمان وصل البلاد بعد شم الهواء العليل فى تركيا تنفس الكثيرون الصعداء ولكن ......!!!!الراجل ما هو هين وداير يكب الزوغه قبل البوليس الدولى يجى ...لكن ود البشير الواعى قال مادام غرقانه غرقانه اخير نغرق الناس كلها ...!!!بمناسبة ود البشير ده انا داير اساله سؤال واحد ...... يا رئيسنا اسف اقصد يا امير المؤمنين بدون الاستعانه بالمستشارين الذى لساتك القندرانى ...بتتذكر اول بيان ليك قلتا فيهو شنو ؟؟؟؟؟؟؟!!!!!!
ولينا عوده
| التوقيع |
|
......زمن الوجع.... |
|