الأحباء الأعزاء...
الدجل والشعوذة ... والسحر .... والتبرك بالاضرحة كلها عادات قديمة ومذمومة ولا يقبلها الدين ... إلا أن الكثيرين يمارسونها بقناعات راسخة أن فيها فوائد, وهذا مرض ( أجارنا الله وإياكم منه ) ولعل المشعوذين أنفسهم يذهبون إلى آخرين مثلهم ليحلوا لهم مشاكلهم ( من باب فوق ذو كل علم عليم ).
ما الذي يدفع بالناس إلى اللجوء لمثل هؤلا؟
كيف ترسخت هذه المعتقدات في مجتمعنا؟؟
ما الحلول التي تراها مناسبة لحل هذه القضية؟؟؟
دعوني أبدأ لكم بطرفة تخص مسألة الأضرحة هذه ( قالو في نسوان جن ماشات جنب المقابر, وتوجد بها قبة شيخ واصل على حسب معتقدهن البسيط, قامن شافن ( غنماية ) واقفة قدام باب القبة, قامت واحدة سألت اخواتا ( أجي يا بت امي الغنماية دي الموقفة شنو جنب باب القبة... ردت عليها واحدة ... امكن بتدور الجنا )
هذه طرفة تحكي واقع ممن يذهبون للقباب والبنية, وغيرها لطلب الرزق, وان يعود فلان سالماً وغيرها من الاشياء ( نعوذ بالله من هؤلا ).
لكن ده كلو كوم والعاوز احكيه ليكم كوم براه....
انا اليوم من الصباح مسكني جن اسمو الرقم (
4 )
وقعدت افكر في الرقم ده جنس تفكير لمن التفكير زهج مني زاتو.... وما عارف سبب لهذا الموضوع ( ونصحني صديقي ) أن اذهب إلى احد المشعوذين لاخراج هذا الرقم من مخيخي ( احسبه يريد امتحاني ) فما اعرفه عنه انه لا يؤمن بمثل هذه الاشياء ولو طاوعته لانهى صداقته معي ( وكثيرون يتمنون ذلك )
المهم انا ماشي, انا قاعد انا راقد انا نايم الرقم ( 4 ) يتنطط قدامي عامل لي هلوسة... والغريبة انو بتكلم معاي عدييييييييييل كده ( ما الجاك ) لانو ده في خيالي براي.... قال لي تعرف يا دار جعل انا الرقم الوحيد المذكور بين الارقام بكثرة ... قلت ليه كيف... قال لي ابدى ليك بالكورة عشان انت بتحبها ( هسة اهم واحد في الدفاع ما بلبس رقمي ده ) ... بعدين الفانين زاتم ما خلوني في حالي ( اربعة سنين عاشم الحب ) وحتى الشيوخ في قصايدم ما خلوني ( اقطابنا الاربعة.. مرض الجسم طبايعو اربعة) بعدين تعال هنا خليك من ده كلو ( القبل في الدنيا دي كم ما اربعة ) وزاويا اي بين ما اربعة... وغيرها وغيرها من حاجات كتيرة ( حتى الاسرائليين ما خلوني في حالي لما قالو يغقلوا المعابر الاربعة - رفح - جنين - بيت لاهية - القدس الشرقية ).
ولي عودة أخرى ( إذا أمد الله في الآجال ) كما قال صاحب الحلقات الأربعة.