|
ضمير الشعب
ضمير الشعب
كلمات الحاج أبو عاقلة – ولاية شمال كردفان
يمة وليدك خاطي القول لا رعديد ولا خواف
لا خاين ضمير الشعب ولا قِبِل الحلول أنصاف
راجل يمه شاد الحيل ووسط الرجال بنشاف
وكل أحلامو حرية وبلد مليانه طهر وعفاف
*** *** ** ***
إلا إرادتو يا يمه جات قبال مواعيدو
يوم حكموه دون قانون وختو القيد على أيدو
وكل التهمة يا يمه عشان السمحة بتريدو
عشان الشفع الحلوين خلو الكورة والليدو
*** *** ** ***
يوم ساقوه زندية من نزنانه لى زنزان
ختوه أقامه جبرية ومنعو الحلة والجيران
وقالو السمحة ما ترافع في وشها قفلو البيبان
وكل القصة يا يمه عشان ولدك صبح ولهان
*** *** ** ***
عشان ما قالها كلمة حق عليهو إتكالبو الحساد
عشان أقسم يمن الله لو أشلاءو تيقى رماد
ما تتراجع الخطوات ولا لأمرهم ينقاد
ما أصلو النضال يمة طرق للعزة والأمجاد
*** *** ** ***
ليه نضاري يا يمة من المكتوبة من بدري
يا ريت تحقق الاحلام من قبل السنين تجري
ومهما كبر جوانا الخوف ح نفوت أقدارنا تفكري
فوضنا الأمر للخالق وبي أحوالنا هو البدري
الخميس 22/6/2006م
الأبيض
|