الأخ عابر السبيل
ليك كل الشكر على فتح الموضوع المهم والملاحظ شديد..وأنا بشوف حتى لو كتابة كلمة شكر أحسن من الدخول وعدم التعليق نهائيا .. وفعلا إحنا بنكون محتاجين لي رأي الناس عشان نستفيد ونقدم الأحسن بسماع وجهات النظر .. حتى أنا والله كتبتا موضوع وكنتا محتاجة أعرف راي الناس بحيث لو كان في مدح يكون تشجيع .. ولو في نقد يكون دافع عشان أصلح كتاباتي لي قدام..لكن كان عدد المتصفحين كبير جدا .. والردود 3 بس (والله يجزيهم خير الجبرو بي خاطري وردو)..وبعد دا ما استسلمت ورجعت كتبتا موضوع بطلب منهم انو يدخلو عشان عايزة استفيد من آراؤم لأنو عدد كبير من الأخوان والأخوات ليهم أفلام مبدعة فممكن استفيد من الخبرة العندهم..وكانت الصدمة إنو برضو ما في زول دخل وأداني رايو رغم انو كان عدد المتصفحين برضو كبير ..
فأتمني إنو بي إثارتك لي الموضوع دا .. نوجد حل للمشكلة دي..وربنا يجزيك كلو خير ...
وتسلم لينا انشاء الله...