طول المصير النخلة حوت الصحراء
نوارة الجروف
طوالي في أجمل وشاح
يكفيها دا ..ويكفيها صاح
بجراحه رجتنا الصباح
يالقلتو ما بترجى الصباح ..
النخلة تحت الأرض سر
والنخلة فوق نخلة نصاح
والدنيا أوسع ما تكون
والجو براح
كل الرياح فوقها بتمر
وما استسلمت لي ريح غريب
ومن كل أصناف الرياح
النخلة ما بتخبر خلاف
ريح اللقاح .. والهمبريب .. ريح الصلاح
يا معوض الليل بالصباح
ومعود النار اللهيب
روض نخلنا على الرياح
وفي لجة البحر الغريب
ادي الرواويس الصلاح ...
هل سنمضي كعرب متأفرقين .. أو كأفارقة مستعربين ..أو كما شئنا سودانيييين حتى النخاع .. نمضي صامدين كما هو حال نخلتنا الشامخة .. باسقة .. تناطح العزة والكبرياء ..أم تقودنا حركة التاريخ للوراء ..وللسير جنباً الى جنب .. مع المستسلمين الخانعين بائعي الضمائر والوطن؟؟؟