كليماتك ...........غنيواتك
كليماتك حنينة علي
حنان النسمة لما تمر خريفية
وتقبل موجة نيلية
وتنور بي فهم ذاتك

فيا ذاتك
سألتك بالذي خلقك
فرح صداح.....أمل فواح
بينبع من إجاباتك
ويا ذاتك
سألتك ليه نقع في الريدة
لو الواقع المشؤوم بيكسر كل إراداتك
ويا ذاتك
سألتك ليه نعيش الحب
أذا كان الحبيب رسمك
محطة وقفة
لو جاهو القطر فاتك
وياذاتك
سألتك ليه نشيل العاطفة
لو آخر الطريق عارفة
حتحرق كل شعاراتك
ويا ذاتك
سألتك.... يوت
إذا ما القدرة في إيدينا...
وما جافة.....
نشيلا نسلما المريود؟؟؟؟؟؟؟؟؟
ولما يفوت......
نعوذ القدة ....نلقا عليها سكينا!!!؟؟؟
وتموت واقفة؟؟!!!
منو البيعوض الفاتك؟؟؟؟؟؟؟؟؟؟؟
وياذاتك
سألتك بس أقيفي معاي
نشيل الصاح نعقد الراي....
ونتعافا!!!
أما أحسنلنا الخوة؟؟؟؟
بدل توسعبا الهوة!!؟؟
ونتجافا!!!
ويا ذاتك
شكرتك بي مدى الحس
الوقف عندك
ملاك كلك
ومافاتك
؟؟؟!!!!؟؟؟