|
الدمعة لو بتعين كان بدرى عانتنى
صديق احمد
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الليل اساهرو حزين ونهارى كلو انين
ازرف دموع ودموع املابن العينين
تصبح دموعى مداد اكتبوا للعاشقين
لحظات فرحنا قلال أخدو الفرح فى الحين
والدمعة لو بتعين كان بدري عانتنى
ماخلت الأيام آلامه صابتنى
انا راضي بالمقسوم مهما يكون قاسى
وأذكر حبيبى دوام لو لى صبح ناسى
مركب هواى التاه بلقالوا رواسى
يوصلبو شاطئ الريد تختا الهموم راسى
طاوعينى يا أيام ودينى للماضى
ماضى الغرام والريد الفيهو كت قاضى
بيبقى كلو عذاب أنا بكون بالكل راضى
مستقبلى المجهول جيت فى زمن فاضى
ياما بكيت وبكيت ياما زرفتا دموع
كلما تطوف بالبال ذكراك وصال مقطوع
ذكراك شريك الريد الفى فؤاد مطبوع
أيام لقانا الفات ماأظن ليها رجوع
الماضى ولىّ خلاص انساهو يا قلبى
لا تعيدوا فى الأيام تملأ الصعاب دربى
تمدد الآلآم من شرقى لى غربى
تتباعد الأحلام ما بينى بين حبى .
.
| التوقيع |
|
|
|