منتديات عشاق السودان - عرض مشاركة واحدة

عمر احمد · 15-09-2005, 18:47

أجيك جابد طعم حلمي
المشيت بيهو ..
ومعلق بى ملامح زول
ملان وحشة ..
ومخضب نيل
و ليل فاتح غيوم شارع
كما الدهشة
وجات ..
لحظة حضور منك ..
مروق خوفك من العتمة
وكان درب العشم فارِق ..
عشان تمتدَ للآخر ...!!
تعال ميِّل على الممشى
وسيب عينيكَ تتعود
تـنود فيني ..
وتهد جواي
وتتفتق بذور الريد
فرع مجدول ..
مساير شوق بدون تصفيف
اخير تدخل براك في الضو
قبل ما تكوس ..
وكِتْ تاني ، أجيك فيهو ..
واخش زمنك ،
اناغم ليك ... ما ترحل
واحول بينك مسافة وطول