معلومات العضو

عمران عامر عضو فضي

إحصائية الترشيح

عدد النقاط : 136

 

 

يظل السودان هو العشق الأبدي مهما اختلفنا حوله ولكن يظل محفورا بسويداء القلب ندافع عنه ما استطعنا ونهلك دونه لكي يبقى .

الغربة دي غول لا المستفيد مرتاح فيها ولا التعبان ونظل نلهث وراء السراب حكي لي دكتور معنا هنا وكان الحديث عن سلبيات الغربة على الابناء خصوصا قال لي نحن المغتربين أبناءنا من الجنسين حا يكونوا هم الضايعين ويدفعوا الثمن وعندما سألته لماذا ؟ قال لي لانه نحن هنا بنعيش عيشة غير عيشة السودان فيها كل شئ في متناول اليد تنعدم في السودان الا عند ميسوري الحال ، كمان تطرق لمساءلة الزواج وقال لي نحن هنا اكتسبنا عادات ليست فينا وهي أنه البنت لما يجئ قريب يزورهم تمشي على طول تغلق على نفسها وهنا وجهة نظره أنه كان من الاجدى أنها تجلس لعله يكون نصيبها مع هذا الشخص وبالمناسبة دي نظرية فعلية لانها هنا ما ممكن تتزوج وذلك للمغالاة في المهر وكمان في السودان لن تجد لها حظا لانها غير متعودة على الحياة فيه وشقاوتها وأنها ستعتمد علي نفسها في خدمة زوجها ويمكن أهله اذا كان بيتهم واحد .

ومن هنا دي كلها سلبيات متراكمة على هذه الغربة نسأل الله أن يخفف علينا ويرجعنا سالمين الى اهلينا حتى ننعم معهم فيما تبقى من عمر ، فالغربة شر مستطير من الصعوبة أن ينجوا منه أحد فالناس ترجع للسودان بمكتسبات ومفاهيم خلاف ما تجده بالسودان .

والله نسأله اللطف والسداد