منتديات عشاق السودان - عرض مشاركة واحدة

رويدا · 20-07-2005, 00:33

عمري انا صراحه موضوع في غاية الاهميه تشكر عليه
الظروف الاقتصاديه اجبرت ا لكثير منا لقبول الغربه وترك الوطن الحبيب الذي نكن له الحب والاخلاص وتصور كيف يكون الحال لو ما كنت سودانيه ..... وبلادي وان جارت علي عزيزة واهلي وان ضنو علي كرام .
بالنسبة للغربه فهي ايجابياتها بسيطه مقارنه مع سلبياتها اما الزوج والزوجه ضحوا بالجو الاسري الكامل من اجل تحقيق هدف معين قد تجبرهم ظروف الحياة فالانسان كثيرا ما يكون بين خيارات احلاها مر فاذا جلست الاسرة الكريمه مع رب الاسرة لايمكنه في الظروف العادية ان يعمل شي لمستقبل الاولاد واذا تركهم في السودان يكون هنالك اثر في فقدان رب الاسرة .
انا بفتكر انو المغترب محتاج لزوجة تكون متفهمة تماما لوضعه كمغترب وللاشكاليات التي تقابلهم في الحياة وبحكم اني من المكتويين بنيران الغربه فقد مرت علي بعض الاسر اجبرتهم الحالة الاقتصادية علي مفارقة الوطن لسنوات طويلة جدا ليه لانو مافي من وين تذاكر هدايا مصاريف اجازة ضرائب مغتربين ووووووووووووو
القائمة تتطول فلذلك المغترب يحتاج لزوجة حديديه اذا كانت معاهوا اذا تركها في السودان وتكون متفهمه تماما لوضعه لكي لا تحصل المفاجات لها فمسوليات زوجات المغتربين حقيقة مضاعفة..
وبالنسبة للصراحة انا بكون معاك صريحه في بعض البنات في السودان لهم مفهوم خاطي عن الارتباط بالمغتربين يعني قبلت بيهوا عشان هو مغترب فقط نظرة مادية بحتة واساس غير لايق لحياة طويلة.
شكل الحياة بعد الزواج بالنسبة للمغتربين في الخليج خاصة فغالبا ما يترك الزوج زوجته بعد الزواج ويسافر وتكون الزوجة في الانتظار اذا كان زوجها في الوضع العادي بالنسبة للمغتربين متوسط الوضع
بكون في بلد وزوجتة في بلد وعندة مصاريف شهرية لزوجتة والتزام مع اهلة يعني بكون داير في حلقه مفرقة كما لا يقدر يسكن في السودان ولا يستطيع ان ياتي بها معة وبالتالي يتم اللقاء بعد كل اجازة وقد تمتد فترة الاجازة الي سنتين وفي بعض الاوضاع الي اكثر من ذلك.
ماسي يندي لها الجبين تحدث ,,,,الصراحة قبل الارتباط هي المهمه.... سراب الغربة لا يخدع بمعني اذا كان قبولها للعريس عشان مغترب وكدة انا بقول ليها تراجع نفسها اما اذا كانت بتحبو فهو المطلوب دون النظر للحالة المادية .
وعلي الزوج قبل الارتباط ان يتناقش مع من يريدها زوجته له في كل هذة الامور فاذا كانت متفهمه لوضعة فليتوكل علي الله .