|
العولمة فى شعر الحبوبات
الموضوع خطيرررررررررررررر فعلا
الشعر الملبك بالعادات السودانية ومبخر باللهجة المحلية للقبليل بقى معلوم تعالو براكم شوفوا
دى واحدة شاعرة فى القرية ...... قالت:
حسيتك عرق ممدود
يربط فى السواقى سدود
انت الحجاية المن جهل
تسوى على الخلاء حدود
انت الدواية الفى الودق
ممبلولا بالمسك الودود
والصندل المتبل منك
مغزوز.. و فى الشعر موجود
انت المحاية للعلان
وانت شيال الحيل المهدود
اديتك خواطرى ما تبراهن
ما تكسرن فى شان تفوت
ما يدميك الترحال
ولا تنكسك الوعود
انت جمال للعرب عزوة
ماك مايكى ولاكا روبن هود
.............الخ
بعد الكلام البحسس السودانى بانو فريد ويمكن دى الحاجة البقدر يحسها ويفهمها يجى يلقى (لجماعة ديل) مغزوزيين فيها
وشوف الحاجة ......... فى الدوبيت قالت شنو لولدا الماشى الجامعة:
بديك العرق تنصبوا درا
يحميك العين والحسود
الجن والورى
بديك قليب الام شفوق
تفكوا رهان على الملا
تنبض بيه ذكر الله
ويذكرك العلم وين وصلا
بديك توبى الجديد يمكن يبنفعك
يمكن فى الشميسى تضلالا
وما تنسى يا وليدى شوفلك
جكيسى وحدى وما تلعب بالبنات وتضليلا
........ الخ
ومحمد ال.... بوصف فى الخرف قال:
الخرف يا ناس لما الزول يقول
انا سمعت بحبوبة سودانية (مراة كبارية)
عملت عملية تجميل لشلوخا
وسمعت الخضر (اب رجلا ملخوخا)
اتصل بالنت من السعودية
اى العولمة المبالغ فييها دى ؟؟
يا جماعة الحاصل شنو؟؟؟
| التوقيع |
|
البلناويـــــــــــــــــــــــــــــة[img]C:\Documents and Settings\user\My Documents\huda\huda's Pictures\sweet_valentin[/img] |
|