سلامات يا معلم وشكراً ليك على مرورك علينا
بخصوص سوالك عن عاصمة الثقافة العربيه فى مليون حاجه ممكن تخلى الخرطوم عاصمة الثقافه العربيه اولاً إنو نحن (دولة عربيه) فى حكم العالم ... والعواصم (الثقافاتيه ) العربيه فى حالة تبادل سنوى يعنى الشغله جاياك ولو ماقريت كتاب عربى واحد ... من زمان بقولوا القاهره تكتب وبيروت تطبع والخرطوم تقرأ ... يعنى من حقنا نكون قبل مايدونا ليها على فكره الخرطوم تقرأ حتى باللغه الانجليزيه !!!
أما لوكان سؤالك عشان تثبت اننا عرب فاللغه حاجه ضروريه لاى شعب بس ما بتحدد الجنسيه الكمرون تتحدث الفرنسيه .. جنوب افريقيا تتحدث الانجليزيه..يعنى الشغله مامشروطه... فى الدستور الجديد اللغه الانجليزيه صارت اللغه الرديفه للعربيه وبرجع تانى بقول لست بناكر للعربيه ولكن المزيج (الافروعربى) طاغى علينا ورغم ذلك منقسمين داخلنا قسمين وابسط مثال اقرب شئ ممكن تقولوا لواحد من الجنوب لو عاكسك فى اى حاجه (هوى انا ود عرب) طيب ود عرب دا ماسودانى؟؟؟...ولو سودانى الجنوبى دا ذاتو سودانى يعنى الحته بتاعت(انا ود عرب ) دى مافى ليها مكان هنا ليه لان العربى والما عربى (سودانيين ) يعنى جنسكم واحد رغم إختلاف لسانكم