|
البص
بكره في ....البص الوقوف
وبكره اللصيق مع الكتوف
والكمساري علينا ماعطوف
طقطق ويدو ......في الوف
وبكره كمان.. اقوم لي زول
ولوالكمساري نساني مابقول
وبحب الكمساري... عني تدقس
وبحب يعفين لوقروشي.. تنقص
وقفو البص ....راس لفة
ماعارغ منو ولامن السفة
خلي انا دبيب راسو بتلفة
البص تعشيقتو... عديل عود
والفرامل اظنو... ماموجود
والسقف كالاستاد فاتح ومقدود
والكنبة بي سير ...بلك مشدود
والباقي لو...دقستا مامردود
ماتمشي بين ...البص والبلاعة
وماتركب بص. تسخينتو ساعة
ولمبتو بااليل... اخير ولاعة
وكمسايرهو .....عديل قلاعة
ونام باقي ..........واعا
انسي يامان..... حقك ضاعا
يعجبني شمار.. البص والاشاعة
مكنة البص.... والناس جاب صداعا
في ناس تفتكر.... كمساري ماتري
اخر كنبة........... يقول ورا
والبنط قبل ...الكمساري يظهرا
والقبضو فك .....الزيارة وجرا
تجيو قدام........... يقول ورا
يجي ورا يقول .........دفع مرا
تقبضوا يقول........ نو تزكرا
ياعديل ذاغ ..........منك جرا
حاسب من النشال والسراقة
ومن سواق لارخصة ولااوراقا
ومن كمساري ماعندو اخلاقا
ومن مساعد ..شغلوا سواقا
وقفو البص ...........في نشال
محفظتي مليان......شهادات عيال
الحمد لله قروش .....مافي ولاريال
برضو يقيف ...........يارجال
البص بخاف .........من الطالب
والمابدفع ويقول...... الله غالب
وممنوع اولاد .....الاساس والعالي
وممنوع زول........... سمين وعالي
بكره المابدفع.... ويقول دا معاي
وسواق ..............لاماشي لاجاي
وكمساري مابرجع..... الايطرش واي
بخاف من ..الشارع الدقداقة
ومن عمك شايل... الف باغة
والبص المصنوع في الواغ واغا
والماعندو باب طوارئ مراقا
بكره المره الاستيكة... والنقناقة
وبخاف من الشارع....... الدقداقة
وشرايط السواق .....النبق نباقة
احب الفلاتية .....وحوا الطقطاقة
في ناس تحجز........ بي ابريقا
تصدق في البحجز..... بي صهريجا
والبعوق البحجز ..بي كواريكا
تشوف كواريكا ....الله لايوريكا
وشغال ما بي.... جاز بي هبوت
والدريكسون بي كيس صعود مربوط
وسفنجة السواق بي سير واحد مقبوض
والاركان .......مليان عنكبوت
|