معلومات العضو

عمران عامر عضو فضي

إحصائية الترشيح

عدد النقاط : 136

 

 

سلامات الأخوة الاعزاء

أولا نأخذ الإذن من صاحبة الطرح " مبسوطة " في أن نتغول على الرد من جانبنا حتى ترد علينا هي باعتبار أنها حادية الركب .

الأخت الساحرة : سلامات
الشمال بصفة خاصة ولبعدها جغرافيا عن العاصمة ده بيكون حالها خاصة المناطق التي ذكرتها بالاسم ولكن ده نابع لعدة عوامل أولا هذه الاشياء تصدر من ناس يكونوا اصلا ما خرجوا خارج حدود دائرتهم الجغرافية هذه ولكن اذا كان من الذين تغربوا أو عاشوا في الخرطوم أو بالقرب منها بيكون الوضع مختلف كما الحال ايضا في الجنوب والغرب والشرق نفس هذه المجموعة والتي لم يتعد خروجها منطقة دائرتها بيكون ده الفهم عندهم . بالتالي ده ما حكم عشان نقول بأننا عنصريين دي ناحية .

الناحية التانية أنه معظم هؤلاء المتمسكين بهذه العنصرة بيكونوا لم ينالوا حظا وافرا من التعليم يعني فيهم أمية صماء لا تعرف الحيد ذات اليمين أو الشمال " اتجاه واحد " وطبعا دي برضه مشكلة عويصة بأن كيف تستطيع أن تُفّهم شخص بهذه الاشياء وأصلا هو ما عنده القابلية حتى لمجرد النقاش ولو فتحت خشمك ساكت يقول ليك يا ولد ولا يا بنت ويتبعها بعبارة " خلي عندك أدب " ده اذا ما رفع العكاز في وجهك ايذانا بالضرب .

أحي فيك وعيك في عبارة عن نفسك (((انا عن نفسى سودانى من اى حته يكون ))) ده طبعا رايك انت لوحدك ما بقول ليك ما بيؤخذ به ، ولكن بقول ليك اذا اصررتي عليه في ظل ما حكيته عن أهلك بصفة عامة الدناقلة أكيد حا تكوني منبوذة في وسطهم ومع مرور الايام انت حا تحسي بطعم هذه الخطوة ومرارتها أو تسرعك فيها ومنها يبدأ دق أول نعش في حياتك الزوجية ، عشان كده انا زي ما كتبت في ردودي السابقة عشان المساءلة دي تنتهي لازم الجميع يعيش في بوتقه واحده ليس للون أو الجنس أثر ولكن هيهات .

الأخت تاله مراحب بيك :
من القال ليك بأن الجنسية السودانية غير معروفة ومن اين اتيت بهذا القول ؟ أنظري لكل أنحاء العالم تجي بصمات السودانيين واضحت " ومن لا يرى ضوء الشمس أكيد بيكون في عيونه رمد " نحن كمان معاك بالسعودية لكن عاوز اقول ليك حاجة مهمة ما تغيب عن بالك وهي : احتقار السعوديين لينا أو نظرة الدونية هذه ما نابعة لاننا اصلا افارقة أو نص نص ابدا هم حاسين في قرارة نفسهم بأننا من علمّهم كل حاجة وكمان كان علينا الفضل فيهم ايام زمان ولما جاتهم الطفرة لازم اول ما يعضوا يعضوا اليد التي إمتدت لهم وده الحاصل.

لعلمك جميع دول الخليج هم ليسوا من العرب الصرف فهنالك ايضا فيهم نسبة كبيرة للسواد اذا نظرة ، من فترة كان لقاء عن الالوان وكان المتحدث ومن ضمنهم حسن مكي بأن كل العرب الآن ليس فيهم دم عربي صرف وإنما خليط واذا نظرتي الآن في السعودية بتلاقي المساءلة دي واضحة وفي باقي دول الخليج .

اما تفضيلهم علينا الاجناس الأخرى فهي بالتحديد " لبنان ومصر وسوريا " ودي هم بيفضلوها علينا لشئ في نفسهم ، أي لانهم عندهم مآرب أخر في هذه الدولة وأنظري للصيفية أين يذهب هؤلاء الناس أنا أحكي ليك واقعة حصلت لقريب لينا كان مقيم في جده والواقعة كالتالي : (( أنه في واحد سوداني شغال في شركة كبيرة أتهم باختلاس اموال وفي نفس الوقت الذي اختلس الاموال لبناني وكان معروف للجميع المهم في الأمر أنه السوداني واللبناني أُدخلوا السجن طبعا السودانيين بطبعهم ولانهم بيحبوا بعض مهما كان اختلاف الأراء جمعوا مبلغ المال المطلوب عشان يطلعوا زولهم ده ولكنه رفض بحجة أنه ليس بسارق وكان معه اللبناني وكان بيستغرب للموضوع ده المهم اللبناني ده قال ليهم بالحرف الواحد أنه حا يطلع وبالفعل طلع بس طلع كيف ؟ جات زوجته من لبنان وقابلت السعودي ووعدته بأن يقضي معها أي وقت يشاء طبعا السودانيين عتبوا على اللبناني في هذا التصرف ولكنه قال ليهم بالحرف الواحد والله ما حا يقدر يلمس شعرة من رأسها وقد كان طلع اللبناني وقام دفع للسوداني المبلغ وبرضه رفض بحجة أنه ده المال المسروق لحد ما ظهرت براءته وكان اللبناني الذي سرق غادر السعودية والسعودي جاء للسوداني يترجاه أن يعمل معه ولكن فات الأوان ))) القصة دي حقيقية .

عشان كده بقول ليك السعوديين بيفضلوا الاجناس دي لغرض في نفوسهم والأمثلة كثيرة ومتعددة .من هو راغب علامة هذا حتى نعتد بقول قاله ؟ وما أصله لو رجعت لزمن الصحابة حا تلاقي فيهم مختلف السحنات ، وراغب علامة هذا ما قال هذا الكلام الا من غيظه عن وضعية السودانيات مع أنه الحبل فك من القارب ، ولكن نسبيا أحسن من غيرنا ، لا نعتد أو نأخذ براي كهذا لاننا نعلم قدرنا جيدا ونعلم قدر نساءنا جيدا يكفى أنه السودانية بتحفظ زوجها في غيبته وتصون بيته في كثير من الحالات ، ولكن لننظر الى راغب علامة هذا ونعمل تحري عنه وعن أسرته وزوجته اذا كان متزوج واخواته واخوانه وبعد كده نقرر أن نأخذ برأيه أو لا ففاقد الشئ لا يعطيه .

اما أنه السعوديين يرون أنك غير سودانية ففي كل البيوت السودانية تلقي بطون متعددة في البيت الواحد انا عن نفس بتلقي عندنا في بيتنا الأصفر الصارخ اللون وبتلقي الاسمر وده خلق رباني . أما أنهم يأتون بصور المجاعة فده عهد انتهي من سنوات ولكن طبيعة السياسة أن تحتفظ لك في الارشيف بهذه الاشياء حتى تسئ لسمعة البلد متى ما دعت الحاجة والآن في السعودية ذاتها نحن في الرياض وبنشوف مدى معاناة السعوديين في المعيشة ويشحذون على عينك يا تاجر يعني الامر ما حكر على السودان .

أختى الكريمة لا يجب أن تنظري لهذه الاشياء على أنها واقع معاش بالسودان كل الدنيا في أنصاف المعيشة وده تقدير رباني حتى في امريكا نفسها تلاقي العيشة تختلف من شخص للثاني ، لم أقل بأن الجميع يعتقدون بأننا عبيد ولكن قلت هم لهم مآرب في كده وبقول ليك " اللبيب بالاشارة يفهم "

حاجة أخيرة أنا شايف انك قد تتعقدين من مساءلة اللون دي ولكن عليك أن تعلمي أنه مصيرك للسودان واذا واحد أو واحدة سعودية كانت أو جنس قال ليك عن هذا الكلام ردي عليه ووريه أنه بنفس القدر المساءلة عندهم وأفظع ، ما يعني أن لوني أبيض أو أصفر معناها لي قدر كبير بالعكس نحن ناس بنعيش في خط الاستواء ونحن احسن حالا منهم اطلعي الى مناطق الجنوب والغرب والشمال وشوفي سحناتهم .

ودمتم