|
الاخت الغالية gawafa
مرورك كان جميلاً كالعادة دائماً ... وماعارف لكن حسيت بكلامك فيه نظرة منطقية عالية جداً واسلوب حكيم فى مواجهة الامور والاحداث وبالرغم من كدة كنتى معتدة بشخصيتك الاعتبارية فى الجملة القلتيها ( انا مثل الفريك مابحب الشريك ) ....
الاخ عمرى انا
تسلم على المرور الجميل والكلام العزب المتعتنا بيه دة
فعلاً والله كلامك القلتو كلو فى محلو وهناك تداخلات كثيرة واعتراضات فى الحياة بتجعل الواحد يعيد النظر مليون مرة فى مسالة الزواج ... وهنالك من يقف محتار وفى عقلة اسئلة كثيرة حائرة فى مسألة الاختيار الاصبح هو المشكلة الاساسية وليس الزواج فى حد زاته ...
لكن على العموم كلامك عامة لوحة تأملية رسمتها بكل الوان الواقع الحياتى المعاش والوضع الاجتماعى والبيئى بكل تفاصيله ومتشعباته لكل شخص عايز يتزوج ...
وربنا يبلغك مقاصدك ويعترك فى بنت الحلال ( التكاشفها وتكاشفك ) وتقعدوا ( تكشفو لبعض لمن تعرسوا ) ...
وانا شايف عرسك قريييييب لانى عندى احساس كدة انك مصاب ( بمرض حامد ) ربنا يجعل ليك الشفا على يد واحدة ( تتمناها فى دواخلك ) ...
حاجة خارج النص : وفى النهاية عايز اقول ليك مقولة قالها لى صديق معاكم فى السعودية قال لى :
( العرس دة زى السعودية المغتربين الفيها عايزين يمرقوا منها والبرة تعبانين دايرين يخشوها ويغتربوا فيها ) ... !!
ونشوف بقية الاخوة رأيهم شنو
°~*¤®§(*§ ودمتم احبتى §*)§®¤*~ˆ°
|