اقتباس:
الاخ زنكل يجب ان اوضح لك انك قد خيبت ظني فيك ....
راجع كتاباتي السابقه واذا وجدت سطرا او كلمة واحده تصرح علي الكفر وحتي ولو ضمنيا فإنا سوف اترك المنتدي الساخن هذا نهائيا مع اعتذار طويل وجميل....
ماذا ستفعل انت؟؟؟؟؟
|
الرد مقتبس من مقال تاني انت كتبتبو ( جرائم الشيوعية )
اقتباس:
هل تنكر اخ zankal ان من اهم شعارات الشيوعيه في كل ارجاء العالم التي لا يختلف عليها اثنان في كل قارات العالم :
1.لا اله
2. والحياه ماده
|
وما حزيد لأني رديت عليك في المقال
الأزمة الحقيقية الغابة انو العلمانية عندما اتهمت بالالحاد والكفر اتهمت من رجال دين سياسيين او بالاحرى مدفوعين أجر وده واضح في السودان يعني الجبهة الاسلامية زمان لمن كفرت الشيوعيين والعلمانيين كان لغرض سياسي ما اكتر حتى انهم بدو هسي يشتغلو بالافكار العلمانية وينادو بالمواطنة اساس الحقوق والواجبات الهي اساس العلمانية وبدو يناقشو في كمية من قضايا الحزب الشيوعي وبنشوف طرح المؤتمر الشعبي لمساواة الرجل بالمرأة وبالنسبة للمؤتمر الوطني وافق على حق العمل للمرأة الكان بنادي بيهو الحزب الشيوعي البعتقد انو ملحد يعني أغلب الاحزاب الاسلاموية ما قدرت تصمد قدام تظور الانسانية و انا ما بلوم اي سوداني بيعتقد انو الشيوعيين كفار والعلمانية كفر بواح ( طبعا ده في منهج الثقافة الاسلامية عندنا في جامعتنا) لأنو ده الفهم الحاولت جماعة معينة توقف بيهو المد التقدمي داخل الشعب لأسباب ذاتية محددة واعترف الشيخ الترابي بي ده لمن قال لقد نجحنا في ان نجعل من كلمة الشيوعية كلمة داعرة!!! لكن انا بلوم اي سوداني ما حاول يبحث في الموضوع ده..
اقتباس:
|
اتساءل اخي زنكل عندما يسألك الملكين في القبر وانت تتنفس من ثقب إبره ! وقد فقدت الرفيق (والرفيقه) والزميل زملاء النضال والكفاح..عندما يسألانك؟ عن شبابك فيما قضيته وعن عمرك ماذا تقول سؤال لي ولك ؟؟؟؟
|
ما حقول ليهو استغليت شعب باسم الدين اما لو انت سألتني عشان انت بتعتقد انو العدالة الاجتماعية البدعو ليها بتتصادم مع الدين فدا شأن أخر
اقتباس:
|
صلوا علي النبي اهل المنتدي
|
اللهم صلي وسلم على محمد