معلومات العضو

فى زمة الله عضو جديد

إحصائية الترشيح

عدد النقاط : 10

 

 

يا أول اسم أنا قلته ..

يا أغلى حب أنا شلته..

يا أطهر قلب أنا شفته..

يا شوفي وسمعي وشمي ..


أمي..


لا خلاني الرب من شوفك..

لا حرمني لمسة كفوفك..

فهمتيني قبل فهمي ..

عرفتيني قبل نفسي..

يا جهلي وفطنتي وعلمي ..


أمي


نطقت باسمك الغالي .. وأنا ما أدري وش يعني ؟

توني ما عرفت الكون .. ولا أفهم وش الدنيا؟

لكني عرفت اسمك ..

نطقت حروفك العذبة..

قبل ما انطق باسمي..


امي


راحة قلبي مرضاتك .. وتوفيقي بدعواتك..

يعلني هم بلا شوفك .. مهما كانت اظروفك..

احبك حب.. بدون حدود .. يا اغلى قلب.. حبني زود..

ليت يصيبني سهمك .. مثل ما صبت بسهمي..


أمي


عمري مكمل لعمرك .. وعالي دايم قدرك..

وحقك واضح ومفهوم .. بدون اغيوم..

في القران وفي السنة..

من يعصيك؟وكيف يعصيك؟ وتحت اقدامك الجنة..



أمي


عساني ما خلا منك .. وعسى ما ابتعد عنك..

لأنك بالغلا مني .. وانا يا راحتي منك.

يعلني بالعمر أفداك .. وين ما دار الزمن وياك..

ما أنساك .. يا روحي ولحمي ودمي ..


أمي


وزنت الدنيا في كفي .. لقيتك أغلى إنسانه..

جمعت شعوري وعطفي .. لقيتك أعطف إنسانه..

رحلتِ بعيد عن داري .. شغلتِ كل أفكاري..

صرتِ آخر أخباري .. قبل خالي قبل عمي..


أمي


حنان الكون من قلبك .. وأنا ما كنت من قبلك..

أنا نطفة من أحساسك .. فديت اعيونك وراسك..

دفاي انتي من الدنيا .. إذا أبرد تدفيني..

وأنا أدري تحبيني .. ويروح الهم في قربك..

وما يبقى سوى حبك..على لساني وعلى فمي ..


امي